جومارت اليەۆ قازاقستاننىڭ ەكولوگيا جانە تابيعي رەسۋرستار ۆيتسە-ءمينيسترى بولىپ تاعايىندالدى، دەپ حابارلايدى "ادىرنا" ۇلتتىق پورتالى پرەمەر-ءمينيستردىڭ ءباسپاسوز قىزمەتىنە سىلتەپ.
«قازاقستان رەسپۋبليكاسى ۇكىمەتىنىڭ قاۋلىسىمەن جومارت شياپۇلى اليەۆ ەكولوگيا جانە تابيعي رەسۋرستار ۆيتسە-ءمينيسترى بولىپ تاعايىندالدى»، - دەلىنگەن سارسەنبىدە تاراعان حابارلامادا.
اليەۆ 2023-2024 جىلدارى قر قوقم ەكولوگيالىق رەتتەۋ جانە باقىلاۋ كوميتەتىنىڭ توراعاسى، وعان دەيىن 2023 جىلى ەكولوگيا جانە تابيعي رەسۋرستار ءمينيسترىنىڭ كەڭەسشىسى، ودان بۇرىن – 2017-2022 جىلدارى كەلىسىمشارت بويىنشا «قازاقستانداعى ەنەرگيا تيىمدىلىگىن ارتتىرۋ» جوباسى اياسىندا «ەلەكتر ەنەرگەتيكاسىن دامىتۋ جانە ەنەرگيا ۇنەمدەۋ ينستيتۋتى» اق (قازاقەنەرگوساراپتاما)» اق-مەن جۇمىس ىستەگەن.
«بۇعان دەيىن وسى لاۋازىمدى اتقارعان ەكس-ۆيتسە-مينيستر بەكماعامبەتوۆ دوسبول بوتاشۇلى بەرىلگەن وتىنىشكە سايكەس قىزمەتىنەن بوساتىلدى»، - دەپ تولىقتىردى مينيسترلەر كابينەتى.
باسقا ماتەريالدار
Adyrna.kz ۇلتتىق پورتالىنىڭ ماڭىزدى اقپاراتتارىنا جازىلۋ
سوڭعى جاڭالىقتار تۋرالى حاباردار بولىڭىز