تالدىقورعان قالاسىنداعى نازارباەۆ زياتكەرلىك مەكتەبىنىڭ 12-سىنىپ وقۋشىسى ءامىرلان قايناربەكوۆ شانحايداعى نيۋ-يورك ۋنيۆەرسيتەتىندە وقۋعا گرانت ۇتىپ الدى.
نيۋ-يورك ۋنيۆەرسيتەتى قىتايلىق جانە حالىقارالىق ستۋدەنتتەر اراسىندا ەڭ تانىمال ۋنيۆەرسيتەتتەردىڭ ءبىرى بولىپ تابىلادى. ول الەمدەگى ەڭ ۇزدىك ءجۇز ۋنيۆەرسيتەتتىڭ قاتارىنا كىرەدى جانە «قىتاي باسقارۋ عىلىم اكادەمياسىنىڭ قىتاي ۋنيۆەرسيتەتىنىڭ رەيتينگى» تىزىمىندە 20-شى ورىندا.
ءامىرلان «كومپيۋتەرلىك تەحنولوگيالار» فاكۋلتەتىندە وقۋدى جوسپارلاپ وتىر.
بۇل گۋمانيتارلىق ونەر ۋنيۆەرسيتەتى. ياعني، ولار تاپسىراتىن ماماندىقتاردان بولەك، قىزىعۋشىلىق تانىتاتىن كۋرستاردى تاڭداۋعا مۇمكىندىك بار. تەحنيكالىق ماماندىقتى تاڭداسام دا، ۋنيۆەرسيتەت تاريح، ءوزىن-ءوزى تانۋ سىندى كۋرستاردان وتۋگە ىنتالاندىرادى. ماعان جان-جاقتى بولۋ ۇنايدى. كەز كەلگەن مامان ءوز سالاسىندا كاسىبي ءبىلىمى بولۋىمەن قاتار، ادامدارمەن جۇمىس ىستەي ءبىلۋى كەرەك دەپ ەسەپتەيمىن. جالپى، ارقاشان وقۋ كەرەك. سونىمەن قاتار ۋنيۆەرسيتەت جاقسى جاعداي جاسايدى، وقۋ ۇلگەرىمى ءۇشىن ىنتالاندىرۋلار بار. مىسالى، سەسسيا كەزىندە ۋنيۆەرسيتەتتىڭ باسقا فيليالدارىنا، ابۋ-دابيگە، نيۋ-يورككە بارۋعا مۇمكىندىك بار»، - دەيدى ءامىرلان.
نەلىكتەن «كومپيۋتەرلىك تەحنولوگيالار» فاكۋلتەتى؟
ماعان جۇمباقتار مەن تاپسىرمالاردى شەشۋ وتە ۇنايدى. مەن ءبارىن ابستراكتسيالاۋدى، تالداۋدى جانە شەشىمدەردى ىزدەۋدى ۇناتامىن، بۇل ماعان ۇلكەن راحات اكەلەدى. مەن ءۇشىن پروتسەستىڭ ءوزى ماڭىزدى»، - دەپ ءتۇسىندىردى ءبىزدىڭ بولاشاق ينفورماتيك.
ءامىرلان سۇحباتىندا تاڭعالارلىق جايتتى ايتتى.
مەنىڭ كۋميرلەرىم – مەكتەبىمىزدىڭ تۇلەكتەرى، گارۆاردقا، MIT-گە تۇسكەن انتون مورگۋنوۆ، سەزىم ەرتاناتوۆ، نۇرسۇلتان ەرلانۇلى، ءامىر ءابدىلدين – ماتەماتيكا جانە ينفورماتيكا پاندەرى بويىنشا حالىقارالىق وليمپيادالاردىڭ جەڭىمپازدارى. انتون مورگۋنوۆ ليگا پليۋششا ۋنيۆەرسيتەتتەرىنەن ۇسىنىستار العان كەزدە مەن 7-سىنىپتا وقيتىنمىن. مەن قاتتى تاڭ قالدىم جانە بۇل ماعان ۇلكەن موتيۆاتسيا بەردى. وسىنىڭ بارىنە قول جەتكىزۋگە بولاتىنىن العاش رەت ءتۇسىندىم. مەن دە باسقا وقۋشىلارعا ۇلگى بولعىم كەلەدى دەپ نىق شەشتىم، - دەپ شانحايداعى نيۋ-يورك ۋنيۆەرسيتەتىنىڭ گرانت يەگەرى ءامىرلان قايناربەكوۆ ءسوزىن تۇيىندەدى.
