ورالعان "الىپپە". "اتامۇرا" باسپاسى جالعان اقپاراتقا قاتىستى مالىمدەمە جاسادى

2024 جىلدىڭ 29 اقپان كۇنى «اتامۇرا» باسپا كورپوراتسياسى جالعان اقپاراتقا قاتىستى مالىمدەمە تاراتتى، دەپ حابارلايدى "ادىرنا" ءتىلشىسى. الەۋمەتتىك جەلىدەگى پاراقشاسىندا دوساي كەنجەتاي "الىپپەگە" قاتىستى جازبا جاريالاعان. اۆتوردىڭ «قايتقان «الىپپە» دەپ مىسقىلداعان كىتاپ وقۋ-اعارتۋ مينيسترلىگى ۇسىنعان، جالپى ءبىلىم بەرەتىن مەكتەپتىڭ 1-سىنىبىنا ارنالعان «اتامۇرا» باسپاسى شىعارعان «الىپپە» ەمەستىگىنە نازار اۋدارتقان بولاتىن. «الىپپە» اتاۋىمەن شىققان كىتاپشا قولدانىستاعى، بىرنەشە ساراپتامادان وتكەن، مينيسترلىك ماقۇلداعان «الىپپە» بولماعاندىقتان دوساي كەنجەتايدىڭ «قايتقان «الىپپە» تۋرالى» دەپ جازعانى جالعان اقپارات تاراتۋ ەكەندىگىن كورسەتكەن. "اتامۇرا" باسپاسى دوساي كەنجەتايدىڭ فەيسبۋكتەگى پاراقشاسىنان «قايتقان «الىپپە» تۋرالى» 2022 جىلدىڭ 8 قاراشاسىنان 2024 جىلدىڭ 3 ناۋرىزىنا دەيىن الەۋمەتتىك جەلىدە جۇرتشىلىقتى شۋلاتقان جالعان اقپاراتىن جانە وعان جازىلعان كوممەنتاريلەردى زاڭدى تۇردە نوتاريالدى راستاتىپ، بەكىتىپ العان بولاتىن. ال اۆتور الەۋمەتتىك جەلىدەگى جازباسىن تەك 2024 جىلدىڭ 3 ناۋرىزى كۇنى عانا الىپ تاستادى. "اتامۇرا" باسپاسى دوساي كەنجەتايدىڭ ءوز قاتەلىگىن تۇسىنگەندىگىن جانە ونىڭ دا ۇستاز ەكەندىگىن ەسكەرىپ، جالعان مالىمەت تاراتۋشىنى سوت الدىندا جاۋاپقا تارتۋ نيەتىن وزگەرتتى. الداعى ۋاقىتتا كىتاپ شىعارۋ ارقىلى وتاندىق ءبىلىم، مادەنيەت پەن ادەبيەت سالالارىنا ۇلەس قوسىپ وتىرعان ىسكەرلىك ارەكەتتەرىنە جالا جابىلىپ، جالعان پىكىر كورىنىس بەرگەن جاعدايدا ءوز قۇقىعىن زاڭعا جۇگىنۋ ارقىلى قورعايتىندىعىن مالىمدەدى.