بۇگىن قازاق ۇلتتىق قىزدار پەداگوگيكالىق ۋنيۆەرسيتەتىندە حالىقارالىق ايەلدەر كۇنى قارساڭىندا مەرەكەلىك ءىس-شارا ءوتتى. العاش رەت قازاقستان مەن ورتالىق ازيانىڭ تۇڭعىش ايەل اكادەميگى نايليا بازانوۆا اتىنداعى ايەل عالىمدارعا ارنالعان ۇلتتىق عىلىم اكادەمياسىنىڭ ماراپاتى تاعايىندالدى.
سالتاناتتى شارا ونلاين جانە وفلاين فورماتتا ۇيىمداستىرىلدى. وعان ەلىمىزدىڭ ءار وڭىرىنەن كەلگەن 70-تەن اسا جەتەكشى ايەل عالىم قاتىسىپ، ۇلتتىق عىلىم اكادەمياسىنىڭ قۇرمەت گراموتالارىمەن ماراپاتتالدى.
ۇلتتىق عىلىم اكادەمياسىنىڭ پرەزيدەنتى اقىلبەك كۇرىشباەۆ ءوز سوزىندە ەلىمىزدە حالىقارالىق ايەلدەر كۇنى كوپتەگەن جىل بويى رەسمي مەرەكە بولىپ سانالىپ كەلە جاتقانىن جانە ادامزاتتىڭ ادەمى جاراتىلىسى كوكتەمنىڭ، سۇلۋلىقتىڭ، نازىكتىكتىڭ، رۋحاني دانالىقتىڭ كۇنى بولىپ سانالاتىنىن ەرەكشە اتاپ ءوتتى.
حح عاسىردىڭ باسىنا دەيىن ايەلدەردى عىلىمعا جاقىنداتپاعان ءارى قابىلەتسىز دەپ ساناعان. سول كەزدەگى ايەل عالىمدار كوپتەگەن كەدەرگىنى جەڭۋگە، ەرلەردىڭ بۇركەنشىك اتىن الۋعا ءماجبۇر بولدى. ايەلدەردىڭ جۇمىسى مەن اشقان جاڭالىعى كوبىنە ەر عالىمداردىڭ اتىنان جاريالانعان.
نايليا بازانوۆا اتىنداعى ايەل عالىمدارعا ارنالعان ارنايى ماراپات وتاندىق عىلىمنىڭ ودان ءارى دامۋىن ىنتالاندىرۋ ماقساتىندا تاعايىندالدى.
حح عاسىردىڭ باسىنا دەيىن ايەلدەردى عىلىمعا جاقىنداتپاعان ءارى قابىلەتسىز دەپ ساناعان. سول كەزدەگى ايەل عالىمدار كوپتەگەن كەدەرگىنى جەڭۋگە، ەرلەردىڭ بۇركەنشىك اتىن الۋعا ءماجبۇر بولدى. ايەلدەردىڭ جۇمىسى مەن اشقان جاڭالىعى كوبىنە ەر عالىمداردىڭ اتىنان جاريالانعان.
نايليا بازانوۆا اتىنداعى ايەل عالىمدارعا ارنالعان ارنايى ماراپات وتاندىق عىلىمنىڭ ودان ءارى دامۋىن ىنتالاندىرۋ ماقساتىندا تاعايىندالدى.
