سىرداريا اۋداندىق سوتى ايەلىن ءوز-وزىنە قول جۇمساۋعا ماجبۇرلەگەن قىزىلوردا وبلىسىنىڭ تۇرعىنىن كىنالى دەپ تانىدى، دەپ حابارلايدى "ادىرنا" ۇلتتىق پورتالى وبلىستىق سوتتىڭ ءباسپاسوز قىزمەتىنە سىلتەپ.
«سىرداريا اۋداندىق سوتىنىڭ ۇكىمىمەن سوتتالۋشى ا. ەسىمدى ازامات، قك-ءنىڭ 105-بابىنىڭ 1-بولىگىندە كوزدەلگەن قىلمىستىق قۇقىق بۇزۋشىلىقتى جاساعانى ءۇشىن كىنالى دەپ تانىلىپ، وعان 2 جىل 6 اي مەرزىمگە باس بوستاندىعىنان ايىرۋ جازاسى تاعايىندالدى»، - دەلىنگەن سوت ۇكىمىندە.
ەر ادام قر قىلمىستىق كودەكسىنىڭ 105-بابى ء(وزىن-ءوزى ولتىرۋگە يتەرمەلەۋ) بويىنشا ايىپتالۋدا.
سوتتىڭ ايتۋىنشا، قۇربان بولعان ايەل قورلاۋ، قورقىتۋ جانە ۇنەمى زورلىق كورىپ تىرلىك كەشكەن. ول قورادا اسىلعان كۇيىندە تابىلدى.
سوت تۋىستارىنىڭ، كۋالاردىڭ ايعاقتارىن، ساراپتاما قورىتىندىلارىن، ەرلى-زايىپتىلار اراسىنداعى حات الماسۋدى زەرتتەدى. ەر ادام ءوز كىناسىن مويىندامادى.
قىلمىس ولاردىڭ اناسىنا قارسى باعىتتالعاندىقتان، سوت كىشكەنتاي بالالارىنىڭ بولۋىنا بايلانىستى جازانى جەڭىلدەتكەن جوق.
«جاۋاپكەر ا.-دان ازاماتتىق تالاپكەر ب.-نىڭ پايداسىنا 10 000 000 تەڭگە مورالدىق شىعىن، وكىلدىڭ قىزمەتىنە بايلانىستى 1 580 000 تەڭگە جانە سوتقا قاتىسۋ شىعىندارى 189 437 تەڭگە ءوندىرىلدى. »، - دەپ حابارلادى سوت.
مەيرامبەك ەربولاتۇلى
