بۇگىندە ادامزاتقا ءتونىپ تۇرعان باستى قاۋىپتىڭ ءبىرى ول - تەرروريزم. سەبەبى ول كەز- كەلگەن جەردە، كەز - كەلگەن ۋاقىتتا بولۋى مۇمكىن جانە ونىڭ قۇربانى قاراپايىم حالىق.
سوڭعى كۇندەرى الەم نازارى ماسكەۋدە. ول جەردە بولعان لاڭكەستىكتە قازا بولعاندار سانى 130 - دان اسىپ، جارالانعاندار سانى 180- نەن اسىپ جىعىلدى. جازىقسىز بۇتىندەي وتباسى، قامسىز ءسابي دە لاڭكەستىك قۇربانى بولدى. جۇرگىزىپ وتىرعان ساياساتىنا قاراماستان، قاراپايىم حالىقتىڭ قايعىسىن ءتۇسىنىپ، بۇكىل الەم ءبىر ءسات ورىس حالقىمەن بىرگە بولدى. ەشكىم لاڭكەستىكتى جاقتامايتىنى بەلگىلى، قازاقستاندا قاتاڭ ايىپتايتىنىن جەتكىزدى.
ۇلت قاۋىپسىزدىگى مەملەكەتتىك ساياساتتىڭ باستى مىندەتى. وسى ورايدا ەل پرەزيدەنتى بىردەن قاۋىپسىزدىك كەڭەسىنىڭ وتىرىسىن وتكىزىپ قۇزىرلى ورگاندارعا تەرروريزممەن كۇرەسۋ شارالارىن، ونىڭ الدىن - الۋ ارەكەتتەرى جايلى بىرقاتار تاپسىرمالار بەرىپ، حالىقارالىق ۇيىمدارمەن دە ارىپتەستىكتى ارتتىرۋ ماسەلەسىن تالقىلادى.
سونىمەن قاتار، بۇگىنگى اقش سەناتورى ستيۆ دەينسپەن بولعان كەزدەسۋ بارىسىندا دا حالىقارالىق جانە وڭىرلىك قاۋىپسىزدىك ماسەلەلەرى جايلى ءسوز قوزعاپ، قازاقستاننىڭ تەرروريزمگە قارسى شاراعا ۇنەمى كومەك قولىن سوزىپ، بىرىگە كۇش جۇمىلدىرۋعا دايىن ەكەنىن اتاپ وتكەن.
Damir Belgibaev
