پرەزيدەنت اباي ولەڭدەرىن وقۋ ەستافەتاسىن ءبىلىم جانە عىلىم، مادەنيەت جانە سپورت مينيسترلەرىنە، ءانشى ديماش قۇدايبەرگەنگە جولدادى
مەملەكەت باسشىسى قاسىم-جومارت توقاەۆ 9 جاستاعى مەكتەپ وقۋشىسى ءلايلىم-شىراقتان ولەڭ وقۋ ەستافەتاسىن قابىلدادى. بۇل تۋرالى پرەزيدەنتتىڭ ءباسپاسوز حاتشىسى بەرىك ءۋالي facebook-تەگى پاراقشاسىندا حابارلادى.
ءلايلىم-شىراق قازاقتىڭ ۇلى اقىنى اباي ولەڭدەرىنەن ءۇزىندى وقىپ، بۇل ەستافەتانى جالعاستىرۋدى پرەزيدەنت قاسىم-جومارت توقاەۆقا جولداعان ەكەن.
"مەملەكەت باسشىسى ءلايلىم-شىراقتىڭ بۇل ۇسىنىسىن زور قۋانىشپەن قابىلداپ، كەمەڭگەر اقىننىڭ جاستاردى ءبىلىم مەن عىلىمعا شاقىراتىن، ماقساتىڭا جەتۋ جولىندا قاجەت اسىل قاسيەتتەردى اتاپ كورسەتكەن "عىلىم تاپپاي ماقتانبا" اتتى ولەڭىنەن ءۇزىندى وقىپ، جاۋاپ بەردى", - دەپ جازدى بەرىك ءۋالي.
ونىڭ ايتۋىنشا، توقاەۆ اباي ولەڭدەرىن وقۋ ەستافەتاسىن ودان ءارى ءبىلىم جانە عىلىم ءمينيسترى اسحات ايماعامبەتوۆكە، مادەنيەت جانە سپورت ءمينيسترى اقتوتى رايىمقۇلوۆاعا جانە بۇكىل الەمدى مويىنداتقان تالانتتى ءانشى ديماش قۇدايبەرگەنگە جولدادى.
