ا.جۇمادىلداەۆ: قازاقستانداعى پاراقورلار مۇعالىمدەر مەن دارىگەرلەر

ادامعا ەڭ جاقىن، ەڭ كەرەك ەكى ماماندىق – مۇعالىم مەن دارىگەر. مەنىڭ بىلۋىمشە، اباي دا مۇنى دۇنيەدەگى ەڭ اسىل ەڭبەك دەپ باعالاعان. ال سوندا وسىنداي قاسيەتتى كاسىپتى مەڭگەرگەن ادامداردىڭ جالاقىسى بايقاساڭىز ورتا جالاقىعا دا جەتپەيدى ەكەن. بۇل نە سوندا. تاعى ءبىر مىسال ايتايىن. زەرتتەۋلەر بويىنشا، قازاقستاندا ەڭ پاراقور ەكى ماماندىق بار ەكەن. ەڭ پاراقورلارى وسى مۇعالىم مەن دارىگەرلەر ەكەن. ەندى بۇعان كىم كىنالى. مۇعالىم مەن دارىگەر مە؟ جوق. مەنىڭ ويىمشا، مۇنداي جاعداي بىزدەگى ساياساتتىڭ كەمشىلىگىنەن قالىپتاستى. ءسوز بەن ءىستىڭ اراسىندا بەرىك بايلانىس جوق. ياعني، ءسوز جۇزىندە دارىگەر مەن مۇعالىمگە جاعداي جاسايمىز، بارلىعى تاماشا بولادى دەيدى، ءىش جۇزىندە وعان كەلتىرمەيدى.