اقتاۋدا سۋ تاپشىلىعىنا بايلانىستى كولىك جۋ ورىندارى جابىلىپ جاتىر. بۇگىندە 70-تەن استام كاسىپكەرلىك نىسانىنىڭ جارتىسىنا جۋىعى جۇمىسىن توقتاتتى، دەپ حابارلايدى «ادىرنا» ءتىلشىسى كتك-عا سىلتەمە جاساپ.
شەنەۋنىكتەردىڭ ايتۋىنشا، ۇنەمدەلگەن تەكشە مەتر قالانىڭ اسا مۇقتاج اۋداندارىنا جونەلتىلەدى. قالا تۇرعىندارى بۇل جاعدايعا ءوز نارازىلىقتارىن ءبىلدىردى.
«XXI عاسىر بولسا دا، بىزدە ءالى سۋمەن قامتۋ ماسەلەسى بار. مۇنى مۇمكىندىگىنشە تەزىرەك شەشۋ كەرەك»،—دەدى اقتاۋ قالاسىنىڭ تۇرعىنى مارينا مەرەشكو.
قازىر ماڭعىستاۋدا 40 مىڭ تەكشە مەترگە جۋىق اۋىز سۋ جەتىسپەيدى. بيلىك اپتاپ ىستىق تەك تۇتىنۋدىڭ وسۋىنە عانا سەبەپ بولماعانىن العا تارتادى. كاسپي تەڭىزىنىڭ تەمپەراتۋراسى دا كوتەرىلىپ، تۇششىلاندىرۋ ۇدەرىسى باياۋلادى.
قولدانىستاعى تەحنيكا وبلىس سۇرانىسىن وتەي المايدى. قازىرگى تاڭدا 10 جاڭا تۇششىتقىش قوندىرعىلار سالىنىپ، نەگىزگى سۋ قۇبىرى قايتا جاڭعىرتىلۋدا. ال جۇمىس اياقتالعانشا اقتاۋلىقتار سۋدى كەستە بويىنشا الاتىن بولادى.
شەنەۋنىكتەر جاز سوڭىنا دەيىن جاعدايدى تۇزەتەمىز دەپ ۋادە بەرىپ وتىر.
