"تالگودا" زورلانعان قازاقستاندىق كەلىنشەك قولداۋ بىلدىرگەندەرگە العىس ايتىپ، Facebook جەلىسىندەگى "نەمولچي.kz" پاراقشاسىندا قازاقستاندىقتارعا ۇندەۋ جاسادى، - دەپ حابارلايدى Tengrinews.kz ءتىلشىسى.
"جاڭالىقتاردى وقىدىم، باق-تاردا كورسەتىلگەن رەپورتاجداردى كوردىم، سىزدەردىڭ كومەكتەرىڭىزبەن بۇل قىلمىستىڭ حالىق اراسىندا شۋ شىعارعانىن ءتۇسىندىم! ەلىمىزدە بىردە-ءبىر ايەلدىڭ، بىردە-ءبىر بالانىڭ مۇنداي زورلىق كورمەۋىن قالايمىن، ولاردىڭ قورعايتىن ادامدار بار ەكەنىن سەزگەنىن قالايمىن", - دەلىنگەن جازبادا. زارداپ شەككەن كەلىنشەكتىڭ ايتۋىنشا، ول ءالى كۇنگە دەيىن قايعىلى جاعدايدى ۇمىتار ەمەس.
ء"وزىم كوپ وقىدىم، كوپ جۇمىس ىستەدىم، بىرنەشە ەلدە بولدىم، ءار ەلدىڭ مادەنيەتىن كورىپ-ءبىلىپ، ءوز ەلىمە ۇنەمى سۇيىسپەنشىلىكپەن ورالاتىنمىن. ەلىمدە مەنى قورعايتىن ادامداردىڭ بار ەكەنىنە سەنەتىنمىن. بىراق كەز كەلگەن جەردە كەز كەلگەن ساتتە قايعىلى جاعدايدىڭ قۇربانى بولۋى مۇمكىن ەكەن. سول تۇندەگى وقيعادان كەيىن ومىرىمدە ەندى سۇمدىق ەشتەڭە بولۋى مۇمكىن ەمەس. وسىعان بايلانىستى مەن، زورلانعان كەلىنشەك رەتىندە، ەلىمىزدىڭ باسشىلىعىنا جانە قر پارلامەنتىنىڭ دەپۋتاتتارىنا سەكسۋالدىق زورلىق جاساعاندارعا جازانى كۇشەيتۋدى سۇرايمىن. قۇقىق قورعاۋ ورگاندارى قىزمەتكەرلەرىنەن زورلاندارعا قاتىستى ءىس بويىنشا تەرگەۋدىڭ ءجۇرۋ پروتسەسىن باقىلايتىن بىرىڭعاي الگوريتم ويلاستىرۋدى سۇرايمىن", - دەپ جازدى ول.
"تالگوداعى" زورلاۋ ءىسى. وقيعا قالاي ءوربىدى؟ ەسكە سالايىق، بۇل وقيعا 2018 جىلدىڭ قىركۇيەگىندە بولعان. اقتوبەلىك كەلىنشەك بۇل وقيعا جايلى الەۋمەتتىك جەلىدە جازىپ، ارتىنشا جۇرتتى دۇرلىكتىرگەن ەدى. ال بيىل 26 شىلدەدە جولسەرىكتەرگە قاتىستى سوت ۇكىمى شىققان ەدى. جەتەس ۇمبەتاليەۆ پەن كولقانات قۇرمانيازوۆ ەسىمدى جولسەرىكتەر قىلمىستىق كودەكستىڭ 120-بابى، 1-بولىگى - "زورلاۋ" بويىنشا ايىپتى دەپ تانىلىپ، ەكى جىل 6 ايعا باس بوستاندىعىنان ايىرىلدى. ۇكىمدى سوت ورازباي ساتىبالدى شىعارعان بولاتىن. "تالگوداعى" زورلاۋ ىسىنە قاتىستى شىققان سوت ۇكىمىنىڭ زاڭدىلىعى تەكسەرىلەدى
"ادىرنا" ۇلتتىق پورتالى
