كرەديتى وتەلەتىن قازاقستاندىقتار بانكتەر مەن ميكروقارجى ۇيىمدارىنا ءوتىنىش جازبايدى
تۇرمىسى تومەن ازاماتتاردىڭ 300 مىڭ تەڭگە مولشەرىندەگى قارىزى تامىز ايىنىڭ سوڭىنا دەيىن وتەلەدى. بۇل تۋرالى ۇلتتىق بانك توراعاسى ەربولات دوساەۆ مالىمدەدى، دەپ حابارلايدى Sputnik قازاقستان تىلشىسى.
دوساەۆ قازاقستاندىقتاردىڭ بورىش جۇكتەمەسىن ازايتۋ ءۇشىن ۇكىمەت پەن ۇلتتىق بانك ەكىنشى دەڭگەيلى بانكتەرمەن جانە ميكروقارجى ۇيىمدارىمەن بىرلەسىپ، ەكى باعىت بويىنشا جۇمىس جۇرگىزىپ جاتقانىن اتاپ ءوتتى.
ء"بىرىنشىسى – حالىقتىڭ الەۋمەتتىك وسال توپتارى ءۇشىن كەپىلسىز تۇتىنۋشىلىق قارىز بويىنشا 300 مىڭ تەڭگەگە دەيىنگى بەرەشەكتى وتەۋ. ازاماتتاردىڭ تىزىمدەرى بويىنشا بەرەشەك تۋرالى اقپارات جينالدى. قارىزى وتەلەتىندەردىڭ ءتىزىمى جاسالدى. بەرەشەكتى وتەۋ تامىزدىڭ سوڭىنا دەيىن اياقتالادى", - دەدى دوساەۆ.
ونىڭ ايتۋىنشا، كرەديتى وتەلەتىن قازاقستاندىقتار بانكتەر مەن ميكروقارجى ۇيىمدارىنا ءوتىنىش جازبايدى. بەرەشەكتى وتەۋ جۇمىسىن كرەديتورلار دەربەس جۇرگىزەدى. سودان كەيىن كرەديتورلار ءاربىر قارىز الۋشىعا ءتيىستى حابارلاما جىبەرەدى. "ەكىنشى باعىت – بارشا قازاقستاندىقتىڭ كەپىلسىز تۇتىنۋشىلىق قارىزى بويىنشا 2019 جىلعى 1 شىلدەدە ەسەپتەلگەن ايىپپۇلى مەن ءوسىمپۇلىن ەسەپتەن شىعارۋ. 30 شىلدەدە بانكتەر مەن ميكروقارجى ۇيىمدارى 33 ميلليارد 600 ميلليون تەڭگەگە 1 ميلليون 200 مىڭ ازاماتتىڭ ايىپپۇلى مەن ءوسىمپۇلىن كەشىردى", - دەدى دوساەۆ. ول 20 تامىزعا دەيىن ۇلتتىق بانك بانكتەر جۇمساعان شىعىننىڭ 30 پروتسەنتىن وتەيتىنىن اتاپ ءوتتى.
