بۇگىندە اۋىل-ايماقتارعا پرەزيدەنتىمىز – قاسىم-جومارت كەمەلۇلى توقاەۆ «وڭ كوزىن سالىپ ءجۇر» دەسەك ارتىق ەمەس. اۋىل شارۋاشىلىعى تاۋارلارىن وندىرۋشىلەردى قولداۋ ءۇشىن قازىر جان-جاقتى جۇمىس اتقارىلىپ جاتقانى جانە بار. سوندىقتان دا قازىر اۋىلدارعا جاعداي جاساۋ ءۇشىن «اۋىل اماناتى» سىندى جوبالار جۇزەگە اسىپ جاتىر، سونداي-اق ولاردىڭ حالىققا بەرەر پايداسى مول دەسەدى.
اۋىل اماناتى – قازاقستانداعى اۋىل-ايماقتاردى دامىتىپ، تۇرعىنداردىڭ جاعدايىن، ءال-اۋقاتىن ارتتىرۋعا ارنالعان مەملەكەتتىك باعدارلاما. بۇل باعدارلاما مەملەكەت باسشىسى قاسىم-جومارت توقاەۆتىڭ «اۋىل شارۋاشىلىعىن رەفورمالاۋ جانە اۋىل-ايماقتاردى ەكونوميكالىق ءوسىمدى قامتاماسىز ەتۋ» تۋرالى باعدارلاماسىندا ازىرلەنگەن. پرەزيدەنت 2022 جىلى ءوز جولداۋىندا اۋىل كووپەراتسياسى اگرارلىق سالانى دامىتۋعا جول اشاتىنىن تىلگە تيەك ەتكەن بولاتىن.
«ءبىز وسىنداي پيلوتتىق جوبانى جۇزەگە اسىردىق. وعان قاتىسقان اۋىل شارۋاشىلىعى كووپەراتيۆتەرىنىڭ ەگىنى ەكى ەسە ارتىق ءونىم بەرگەن. ال مال باسى شامامەن 25 پايىزعا كوبەيگەن. ءار ءوڭىردىڭ ەرەكشەلىگىن ەسكەرە وتىرىپ، وڭ تاجىريبەنى بۇكىل ەلگە بىرتىندەپ تاراتۋ قاجەت»، – دەپ مالىمدەدى پرەزيدەنت.
«اۋىل اماناتى» باعدارلاماسىنىڭ نەگىزگى ماقساتى – اۋىلدىق ەلدى مەكەندەردەگى جۇمىسسىزدىق پەن اتاۋلى الەۋمەتتىك كومەك الۋشىلار سانىن ازايتۋ، سونىمەن قاتار ءوزىن-ءوزى جۇمىسپەن قامتۋشىلاردى زاڭداستىرۋ.
«اۋىل اماناتى» جوباسىنىڭ نەگىزگى قارجىلاندىرۋ باعىتتارى:
1) وڭدەۋ سالاسىنا قاتىستى جوبالار;
2) وسىمدىك شارۋاشىلىعىن دامىتۋ;
3) اۋىل شارۋاشىلىعى كوپەراتيۆتەرىن جابدىقتاۋ;
4) مال شارۋاشىلىعىن دامىتۋ;
5) باسقا باعىتتاعى بيزنەس جوبالار;
نەسيەنىڭ نەگىزگى شارتتارى:
1) شاعىن نەسيە مەرزىمى 5 جىلعا دەيىن; مال شارۋاشىلىعىنداعى جوبالار ءۇشىن 7 جىلعا دەيىن;
2) شاعىن نەسيەنىڭ ەڭ جوعارعى سوماسى - اۋىلدىق ەلدى مەكەندەر مەن شاعىن قالالاردا 2,5 اەك، ياعني (8.6 ملن تەڭگە), زاكىرلىك كووپەراتسيا – شاعىن جانە ورتا شارۋا (فەرمەرلىك) قوجالىقتارى جانە/نەمەسە اۋىل شارۋاشىلىعى كووپەراتيۆتەرى ءۇشىن 8 مىڭ اەك (27.6 ملن تەڭگە) دەيىن;
3) سىياقى مولشەرى جىلىنا 2.5 پايىزدان اسپايدى;
نەسيە تالاپتارى:
1) نەسيە الۋشى جەكە كاسىپكەر رەتىندە تىركەۋدە بولۋى ءتيىس;
2) باسقا نەسيەلەرى بويىنشا مەرزىمى وتكەن جارنالار بولماۋى كەرەك;
3) مەملەكەتتىك كىرىستەر ورگاندارىندا بەرەشەك بولماۋى ءتيىس;
4) كەپىلمەن قامتاماسىز ەتۋ;
5) زەينەت جاسىنا جەتپەگەن;
6) اۋىل شارۋاشىلىعىن جۇرگىزۋ ءۇشىن قاجەتتى جاعدايدىڭ (جەر تەلىمى، قورانىڭ) بولۋى قاجەت;
(اقپارات gov.kz رەسمي سايتىنان الىندى)
بۇل باعدارلاما بويىنشا اۋىل تۇرعىندارى ءوز بيزنەستەرىن دامىتۋعا نەمەسە كووپەراتيۆ قۇرامىندا جەڭىلدەتىلگەن نەسيە الۋعا بولادى جانە تەحنيكانى ليزينگكە راسىمدەۋگە بولادى. نەسيە/شاعىن نەسيە مەرزىمى – 5 جىل، ال مال شارۋاشىلىعى جانە اۋىل شارۋاشىلىعى كووپەراتيۆتەرىن قۇرۋ سالاسىنداعى جوبالار بويىنشا – 7 جىلعا دەيىن. نەسيەنىڭ، شاعىن نەسيەنىڭ ەڭ جوعارى سوماسى قولدانىستاعى زاڭناما بويىنشا ايقىندالادى. نومينالدى سىياقى مولشەرلەمەسى – 2,5 پايىز.
ميكروكرەديت شارتتارى:
1) كوكتەمگى ەگىستىك جۇمىستارى سالاسىنداعى جوبالار ءۇشىن 3 جىلعا دەيىن;
2) بيزنەستىڭ باسقا باعىتتارى جوبالارى ءۇشىن 5 جىلعا دەيىن;
3) مال شارۋاشىلىعى سالاسىنداعى جوبالار ءۇشىن 7 جىلعا دەيىن;
ميكروكرەديتتىڭ ەڭ جوعارى سوماسى:
اۋىلدىق ەلدى مەكەندەر مەن شاعىن قالالارداعى جەكە كاسىپكەر ءۇشىن 2,5 مىڭ اەك-كە دەيىن;
اۋىل شارۋاشىلىعى كووپەراتيۆتەرى ءۇشىن 8 مىڭ اەك-كە دەيىن;
نەگىزگى بورىش پەن سىياقىنى وتەۋ بويىنشا جەڭىلدىكتى كەزەڭى
ميكروكرەديت مەرزىمى ۇزاقتىعىنىڭ 1/3-نەن اسپايدى.
بيزنەستى ىسكە اسىرۋ ورنى
اۋىلدىق ەلدى مەكەندەردە جانە شاعىن قالالاردا.
باسىم باعىتتار:
1) اۋىل شارۋاشىلىعى كووپەراتسياسى;
2) اۋىل شارۋاشىلىعى تاۋارلارىن ءوندىرۋ، وڭدەۋ جانە قايتا وڭدەۋ;
3) ەگىن شارۋاشىلىعى;
4) مال شارۋاشىلىعى (قۇس شارۋاشىلىعى، بالىق شارۋاشىلىعى، ارا شارۋاشىلىعى);
5) بيزنەستىڭ باسقا باعىتتاعى جوبالارى.
نومينالدى سىياقى مولشەرلەمەسى:
جىلدىق 2,5 پايىزبەن.
(اقپارات gov.kz رەسمي سايتىنان الىندى)
اۋىل اماناتى – شارۋاشىلىق باستاۋدىڭ ەڭ ءتيىمدى جولى. ەلىمىزدە اۋىل شارۋاشىلىعىنا ارنالعان ءتۇرلى باعدارلامالار بار. دەسە دە، تۇپكى ماقساتى – اۋىلدىق جەرلەردە تۇراتىن حالىقتىڭ جاعدايىن جاقسارتۋ.