بۇگىن الماتىنىڭ «جاستار ورتالىعى» الاڭىندا مەكتەپ وقۋشىلارى اراسىندا شاعىن فۋتبولدان قالالىق جارىس ءوتتى. سپورتتىق شارا – جەتكىنشەكتەردى سالاۋاتتى ءومىر سالتىنا باۋلۋ ماقساتىندا الماتى قالاسى قوعامدىق دامۋ باسقارماسىنىڭ قولداۋىمەن قولعا الىنىپ وتىر. «جاستار جىلى» اياسىنداعى يگى باستامانى “ازاماتتىق بورىش” جوباسى نەگىزىندە “ادىرنا” ۇلتتىق-ەتنوگرافيالىق بىرلەستىگى وتكىزۋدە. سپورتتىق جارىس اۋعان سوعىسى ارداگەرلەرىنىڭ قۇرمەتىنە ارنالعاندىقتان – مۇسا جۇماعاليەۆ (اۋعان سوعىسىنىڭ ارداگەرى) مىرزا قوناق رەتىندە ارنايى شاقىرىلىپ، جاستاردى جىگەرلەندىرەتىن رۋحتى سوزدەرىمەن جارىس شىمىلدىعىن ءتۇرىپ بەردى.
ال، فينالعا شىققان 4 كوماندانىڭ ىشىندە 1-ورىندى «FC KFC» كومانداسى يەمدەنسە، «FC Almaty» ۇجىمى ەكىنشى ورىنعا جايعاستى. ال، «FC Junior» كومانداسى ۇزدىك ۇشتىكتى قورىتىندىلادى. جارىس جەڭىمپازدارى ارنايى كۋبوكتار مەن ۇيالى تەلەفون، فوتواپپارات، قول ساعات سىندى باعالى سىيلىقتارمەن ماراپاتتالدى.
"ادىرنا" ۇلتتىق پورتالى