ارالاس ستيلدەگى (مما) قازاقستاندىق فايتەر اسۋ الماباەۆ Ultimate Fighting Championship (UFC) تۋرنيرىندە ءتورتىنشى جەڭىسىنە قول جەتكىزدى، دەپ حابارلايدى «ادىرنا» ۇلتتىق پورتالى.
مما فايتەرى لاس-ۆەگاستا وتكەن Fight Night سەرياسى تۋرنيرىندە ونەر كورسەتتى. ونىڭ قارسىلاسى برازيليالىق ماتەۋس نيكولاۋ بولدى. جەكپە-جەك الدىندا قازاقستاندىق جەڭىل سالماق دارەجەسىندە (56,7 كەلىگە دەيىن) رەيتينگتە 14-ءشى، ال برازيليالىق جەتىنشى ورىندا تۇردى.
ءۇش راۋندقا جوسپارلانعان جەكپە-جەكتە تورەشىلەردىڭ شەشىمىمەن اسۋ الماباەۆ جەڭىسكە جەتتى. وسىلايشا ول قاتارىنان 17-ءشى جەڭىسىنە قول جەتكىزدى.
جەڭىمپاز اتانعاننان كەيىن الماباەۆ UFC چەمپيوندىق تيتۋلى ءۇشىن جۇدىرىقتاسقىسى كەلەتىنىن مالىمدەدى.
«دانا، ماعان ءبىر مۇمكىندىك بەر. بەلبەۋ ءۇشىن كۇرەسۋگە ءبىر عانا مۇمكىندىك بەر. مەن دايىنمىن!» – دەدى قازاقستاندىق بوكسشى UFC پرەزيدەنتى دانا ۋايتقا.
