بەلگىلى سازگەر، اقىن قۇرماناي باقتيارقىزى ومىردەن ءوتتى. قارالى حاباردى بۇگىن، 28 قازاندا ونەر يەسىنىڭ بالالارى جەتكىزدى، دەپ حابارلايدى «ادىرنا» ءتىلشىسى.
«اناشىم راببىسىنا قايتتى. دۇعادا بولىڭىزدار. ارتىندا دۇعا ارنايتىن ۇلكەنى حانشايىم، تولعاناي، كەنجەسى سۇڭقار، جاقسى كورەتىن قازاق ەلى بار. انامىزعا دەگەن ماحابباتتارىڭىزعا راقمەت»،—دەدى ولار.
ناۋرىز ايىندا سازگەر وزىنە تاعى دا كۇردەلى وتا جاسالعانىن ايتقان ەدى.
«اللانىڭ قۇدىرەتىنىڭ شەكسىزدىگىنە ايقىن كوز جەتكىزگەن سىناق بولدى. 99/1 پايىز سوڭعى ۇمىتپەن جەتىنشى رەت وتا جاسالدى»،—دەپ جازدى ول.
ەسترادا جۇلدىزدارىنا حيت اندەردى جازىپ بەرىپ جۇرگەن تۇركىستاندىق سازگەردىڭ ارتىندا ەكى قىزى مەن ۇلى قالدى.
