تالعار اۋدانى ەركىن اۋىلىندا مەملەكەتتىك رامىزدەر پوليگونعا لاقتىرىلعان. بۇل تۋرالى جەلى قولدانۋشىلارى ايتتى، دەپ حابارلايدى «ادىرنا» ءتىلشىسى.
«جاۋاپتى ورگان تەرگەۋ جۇرگىزىپ، كىنالىلەردى تابۋى ءتيىس. بۇل وقيعاعا بەي-جاي قاراۋعا بولمايدى»،—دەدى قازنەت پايدالانۋشىلارى.
الماتى وبلىسىنىڭ قۇقىق قورعاۋ ورگاندارى اتالعان دەرەك بويىنشا قىلمىستىق ءىس قوزعالعانىن مالىمدەدى.
«مەملەكەتتىك رامىزدەردى قورلاۋ فاكتىسى بويىنشا پوليتسيا قىلمىستىق ءىس قوزعادى. تالعار اۋداندىق پوليتسيا قىزمەتكەرلەرى بولعان وقيعانىڭ بارلىق ءمان-جايىن انىقتاۋ ءۇشىن قاجەتتى جەدەل ءىس-شارالار ۇيىمداستىردى. كىنالى ادامدارعا قولدانىستاعى زاڭناماعا سايكەس ءتيىستى شارالار قابىلدانادى»،—دەدى پوليتسيا دەپارتامەنتى.
