اۋىلدىق جەرلەردە تاۋەلدىلىك ماسەلەسى ەرەكشە نازار اۋدارۋدى قاجەت ەتەدى. قازاقستاننىڭ كوپتەگەن اۋىلدىق ايماقتارىندا جۇمىسسىزدىق، ءبىلىمنىڭ تومەن دەڭگەيى جانە الەۋمەتتىك-ەكونوميكالىق قيىندىقتار حالىقتى پسيحواكتيۆتى زاتتارعا تاۋەلدىلىككە يتەرمەلەيدى. اۋىل تۇرعىندارى اراسىندا ناشاقورلىق پەن الكوگوليزم ءجيى كەزدەسەدى، اسىرەسە جاستار اراسىندا.
ولاردى الدىن الۋ شارالارى قانداي؟
اۋىلدارداعى تاۋەلدىلىكپەن كۇرەسۋ ءۇشىن الەۋمەتتىك قولداۋ مەن اقپاراتتىق جۇمىستىڭ ماڭىزى زور. 2023 جىلى قازاقستاندا اۋىلدىق ايماقتاردا ەسىرتكى مەن الكوگوليزمنىڭ الدىن الۋ باعدارلاماسى جۇزەگە اسىرىلدى. ونىڭ اياسىندا اۋىل تۇرعىندارىنا پسيحوالەۋمەتتىك كومەك كورسەتۋ، اقپاراتتىق كامپانيالار ۇيىمداستىرۋ جانە جەرگىلىكتى اتقارۋشى ورگاندارمەن بىرلەسىپ ءتۇرلى پروفيلاكتيكالىق شارالار جۇرگىزىلەدى. اۋىلدارداعى ەرەكشەلىكتەر:- قوعامدىق شارالار: اۋىل تۇرعىندارى ءۇشىن ارنايى قوعامدىق دەنساۋلىق ساقتاۋ ورتالىقتارى مەن پسيحولوگيالىق كومەك كورسەتۋ قىزمەتتەرى اشىلۋدا.
- اۋىل مەكتەپتەرى مەن جاستار ۇيىمدارى: اۋىل مەكتەپتەرىندە، مەكتەپتەن تىس مەكەمەلەردە جاستارمەن پروفيلاكتيكالىق جۇمىس جۇرگىزۋ.
- الەۋمەتتىك قولداۋ: تۇرعىندارعا پسيحولوگيالىق كەڭەس بەرۋ جانە ەسىرتكىدەن ارىلتۋ قىزمەتتەرىن ۇسىناتىن ءموبيلدى توپتار مەن اۋىلدىق دەنساۋلىق ساقتاۋ مەكەمەلەرى قۇرىلدى.
