وڭتۇستىك كورەيا پرەزيدەنتى يۋن سوك يولگە يمپيچمەنت جاريالاۋ بويىنشا العاشقى تىڭدالىم 27 جەلتوقسان كۇنى وتەدى. بۇل تۋرالى Yonhap جازدى، دەپ حابارلايدى «ادىرنا» ءتىلشىسى.
جەرگىلىكتى باق-تىڭ مالىمەتىنشە، پرەزيدەنت الدىن الا تىڭداۋعا قاتىسۋعا مىندەتتەلمەيدى.
قازىرگى تاڭدا بۇل ءىس بويىنشا پوليتسيا، قورعانىس مينيسترلىگى جانە سىبايلاس جەمقورلىققا قارسى اگەنتتىك وكىلدەرىنەن قۇرالعان بىرلەسكەن تەرگەۋشىلەر توبى قۇرىلدى. ەگەر سوت پرەزيدەنتتى بيلىكتەن كەتىرۋ تۋرالى شەشىم قابىلداسا، وندا 60 كۇن ىشىندە كەزەكتەن تىس پرەزيدەنتتىك سايلاۋ وتكىزۋ قاجەت بولادى.
ايتا كەتەيىك، 14 جەلتوقسان كۇنى داۋىس بەرۋ كەزىندە پارلامەنت يۋن سوك ەلگە يمپيچمەنت جاريالاۋدى قولداعان بولاتىن.
