نۇرلان مۇراتوۆ ExxonMobil كومپانياسىنىڭ قازاقستان بويىنشا باسقارۋشى ديرەكتورىنىڭ ورىنباسارى - تەڭىز جوباسىنداعى ExxonMobil ۇلەسىن باسقارۋ جونىندەگى مەنەدجەر بولىپ تاعايىندالدى. بۇل تۋرالى بۇگىن، 10 اقپاندا Petrocouncil جازدى، دەپ حابارلايدى «ادىرنا» ءتىلشىسى.
وتانداسىمىز وستيندەگى تەحاس ۋنيۆەرسيتەتىن 1997 جىلى اياقتاپ، گەولوگيا باكالاۆرى دارەجەسىن الىپ شىققان. كەيىن ءدال وسى وقۋ ورنىندا ءبىلىمىن جالعاستىرىپ، ەنەرگەتيكا جانە تابيعي رەسۋرستاردى باسقارۋ ماگيسترى اتانعان.
نۇرلان مۇراتوۆ ExxonMobil كومپانياسىنداعى ەڭبەك جولىن اقش-تىڭ حيۋستون قالاسىندا گەولوگ رەتىندە باستاعان. ول 2002 جىلدان 2012 جىلعا دەيىن گەولوگ، اعا گەولوگ، تەحنيكالىق توپ جەتەكشىسى جانە اقش پەن ۇلىبريتانيادا گەولوگيا بويىنشا كەڭەسشى بولىپ جۇمىس ىستەگەن.
2014 جىلدان 2019 جىلعا دەيىن ExxonMobil كومپانياسىنان NCOC-قا گەولوگيا ءبولىمىنىڭ باسشىسى رەتىندە جىبەرىلگەن. ال 2019 جىلدان 2021 جىلعا دەيىن ExxonMobil كومپانياسىنان «قازمۇنايگاز» ۇك» اق-عا ۇزدىكسىز جەتىلدىرۋ كەڭسەسىنىڭ ديرەكتورى رەتىندە تاعىندالعان.
2021 جىلدان 2025 جىلعا دەيىن «كتك» اق-دا ExxonMobil ۇلەسىن باسقارۋ جونىندەگى مەنەدجەر بولدى.
ايتا كەتەيىك، «Exxon Mobil Corporation» - الەمدەگى ەڭ ءىرى مۇناي كومپانيالارىنىڭ ءبىرى. شتاب-پاتەرى يرۆينگ قالاسىندا ورنالاسقان. قازاقستانداعى قىزمەتى 1993 جىلى باستالدى.
