ەگەر انالار قوزعالىسى باستالعان 6 اقپاننان باستاپ قوس پالاتا دەپۋتاتتارى
- حالىقتان جاپون باسشىلارىنداي باس ءيىپ كەشىرىم سۇراپ،
- كوپتەگەن زاڭداردى وقىماي-اق قابىلداعاندارىن مويىنداپ،
- ء"وز قاتەلىگىمىزدى تۇزەتۋگە مۇمكىندىك، ۋاقىت بەرىڭىزدەر" دەپ مەرزىم الىپ،
- اپتا سايىن دەمەي-اق قويايىن، اي سايىن تىكەلەي ەفيردە قوعامدىق-الەۋمەتتىك ماسەلەلەرگە قاتىستى بارلىق زاڭداردى تارماق-تارماعىمەن قايتا قاراپ، ءبىر-بىرىمەن ايتىسىپ-تارتىسىپ تالقىلاپ وتىرعاندا،
- حالىقتىڭ كوكەيىنە قونىمدى شەشىمدەر قابىلداعاندا،
- تىم بولماعاندا ءار بالاعا كامەلەتكە تولعانعا دەيىن مەملەكەتتەن جاردەماقى تاعايىنداعاندا،
- حالىقتى اۋرە-سارساڭعا سالعان "تۇرعىلىقتى مەكەن-جاي" ماسەلەسىن e.halyk جۇيەسى ارقىلى شەشكەندە، وندا وسى ۋاقىتتا كوپ قوزعالىستىڭ ءبىرى دە بولماي، حالىق بۇگىندە بوكس كورگەندەي، ۇمىتپەن تەلەديدارعا تەلمىرىپ، دەپۋتاتتاردىڭ تارتىسىن تالقىلاپ وتىرار ەدى.
ەڭ باستىسى، وشكەن ءۇمىتى ويانىپ، از دا بولسا بيلىككە دەگەن سەنىمى قايتار ەدى.
ەۆوليۋتسيالىق دامۋ دەگەن سول بولار ەدى. ءبىز وتىرىك الداۋ-ارباۋلار ەمەس، سونداي كونسترۋكتيۆتى ديالوگتى كۇتتىك. مينيسترلىك جانىنان قۇرىلعان قوعامدىق كوميسسيا الەۋمەتتىك ماسەلەلەردى شەشۋگە ارنالعان "جول كارتاسىن" دا ۇسىندى. ول قۇجات قاي ارحيۆكە كەتكەنىن ءبىر قۇداي بىلەدى. حالىقتا از دا بولسا، سەنىم ويانعان ەدى.
الايدا بۇلار وزگەرگىلەرى كەلمەدى، ەۆوليۋتسيالىق دامۋدىڭ ورنىنا، كەرىسىنشە، قۇقىق قورعاۋ ورگاندارىن حالىققا ايداپ سالىپ، رەپرەسسيانى ۇدەتتى، ودان سايىن حالىقتىڭ سەنىمىن ءوشىرىپ، اشۋ-ىزاسىن تۋدىرۋمەن بولدى.
(سۋرەت: abai.kz سايتىنان الىندى)
"ادىرنا" ۇلتتىق پورتالى
