ءۇندىستان ۆوكزالىنداعى كەپتەلىس: 18 ادام مەرت بولدى

1009
Adyrna.kz Telegram
https://adyrna.kz/content/uploads/2025/02/whatsapp-image-2025-02-16-at-16.15.08.jpeg
ءۇندىستاننىڭ نيۋ-دەلي قالاسىنداعى تەمىرجول ۆوكزالىندا بولعان كەپتەلىس كەزىندە 18 ادام قازا تاپتى، دەپ حابارلايدى "ادىرنا" ۇلتتىق پورتالى ۇندىستاندىق NDTV تەلەارناسىنا سىلتەمە جاساپ.  قازا تاپقانداردىڭ اراسىندا 11 ايەل جانە 5 بالا بار. وقيعا Prayagraj Express پويىزىن كۇتىپ تۇرعان جولاۋشىلاردىڭ كوپتىگى سالدارىنان ورىن العان.

"سەنبى كۇنى نيۋ-دەلي تەمىرجول ستانتسياسىندا كەمىندە 18 ادام قازا تاۋىپ، وننان استام ادام جاراقات الدى. وقيعا ءدىني ماحا كۋمبحۋ فەستيۆالىنە بارا جاتقان جولاۋشىلاردىڭ پويىزعا مىنۋگە تالپىنۋى سالدارىنان بولعان", – دەلىنگەن حابارلامادا.

ءۇندىستاننىڭ تەمىرجول مينيسترلىگى بۇل ۋاقىتتا Swantrata Senani Express جانە Bhubaneshwar Rajdhani Express پويىزدارىنىڭ كىدىرگەنىن، ولاردىڭ جولاۋشىلارى دا 12, 13 جانە 14-پلاتفورمالاردا بولعانىن مالىمدەدى.

پىكىرلەر