بۇگىن قازاقستان رەسپۋبليكاسى پرەمەر-ءمينيسترىنىڭ ورىنباسارى – سىرتقى ىستەر ءمينيسترى مۇرات نۇرتىلەۋ رەسەي فەدەراتسياسىنىڭ قازاقستانداعى ەلشىسى الەكسەي بوروداۆكيندى قابىلدادى، دەپ حابارلايدى «ادىرنا» ءتىلشىسى.
«كەزدەسۋ بارىسىندا تاراپتار ساياسي، ەكونوميكالىق جانە مادەني-گۋمانيتارلىق سالالارداعى ەكىجاقتى قازاقستان-رەسەي ىنتىماقتاستىعىنىڭ قازىرگى جاعدايى مەن دامۋ پەرسپەكتيۆالارىن تالقىلادى، سونداي-اق حالىقارالىق كۇن تارتىبىندەگى بارلىق وزەكتى ماسەلەلەر بويىنشا پىكىر الماستى»،—دەلىنگەن ءسىم حابارلاماسىندا.
تاراپتار ستراتەگيالىق ارىپتەستىك پەن وداقتاستىق رۋحىندا دامىپ كەلە جاتقان قازاقستان-رەسەي قاتىناستارىن ودان ءارى نىعايتۋعا دەگەن كوزقاراستى راستادى.
الەكسەي بوروداۆكين 2018 جىلدان بەرى رەسەيدىڭ قازاقستانداعى ەلشىسى قىزمەتىن اتقارىپ وتىر. ول سول جىلدىڭ 7 اقپانىندا وسى قازمەتكە تاعايىندالدى.
