يراننىڭ وڭتۇستىگىندەگى بەندەر-ابباس قالاسىندا ورنالاسقان تەڭىز پورتىندا جويقىن جارىلىس بولدى. بۇل تۋرالى بۇگىن، 26 ساۋىردە Tasnim اگەنتتىگى جازدى، دەپ حابارلايدى «ادىرنا» ءتىلشىسى.
«شاحيد رادجاي پورتىندا جانارماي تسيستەرناسى جارىلعان. قازىرگى تاڭدا وقيعا ورنىنا جەدەل ارەكەت ەتۋ توپتارى جونەلتىلدى. توتەنشە جاعداي سالدارىنان اۋدانداعى كەڭسە عيماراتى قيراپ، بىرنەشە كولىك ورتەنىپ كەتتى»،— دەلىنگەن حابارلامادا.
ازىرگە قازا تاپقاندار تۋرالى مالىمەت جوق، الايدا 516 ادامنىڭ زارداپ شەككەنى حابارلاندى.
كۋاگەرلەردىڭ ايتۋىنشا، جارىلىستىڭ كۇشى سونشالىقتى قاتتى بولعان، ونى بەندەر-ابباس قالاسىنىڭ جانە كەشم ارالىنىڭ تۇرعىندارى دا سەزگەن.
قازىرگى ۋاقىتتا پورت ۋاقىتشا جابىلدى، وقيعاعا ورنىندا تەرگەۋ جانە قۇتقارۋ جۇمىستارى جۇرگىزىلىپ جاتىر.
