شەشەنستان باسشىسى رامزان قادىروۆ 7 مامىردا رەسەي پرەزيدەنتى ۆلاديمير پۋتينمەن كەزدەستى، دەپ حابارلايدى «ادىرنا» ءتىلشىسى.
اڭگىمەلەسۋ بارىسىندا شەشەن باسشىسىنىڭ وتستاۆكاعا كەتۋى تۋرالى قاۋەسەتتەر ءسوز بولعان.
«ۆلاديمير ۆلاديميروۆيچ ينتەرنەتتەگى سوڭعى اڭگىمەلەرگە پىكىر بىلدىرە وتىرىپ، مارك تۆەننىڭ «مەنىڭ ءولىمىم تۋرالى اڭگىمەلەر اسىرا سىلتەلىپ ايتىلعان» دەگەن ءسوزىن مىسال ەتىپ كەلتىردى. سونداي-اق پرەزيدەنت ءبىزدى كوپ جۇمىس كۇتىپ تۇرعانىن اتاپ ءوتتى»، — دەپ جازدى قادىروۆ جەلىدەگى پاراقشاسىندا.
وسىلايشا قادىروۆ جوعارعى باس قولباسشىنىڭ بۇيرىعىن ورىندايتىنىن ءمالىم ەتتى.
بۇعان دەيىن جەلىدە شەشەنستان باسشىسى قىزمەتىنەن كەتۋى مۇمكىن دەگەن اقپارات تاراعان ەدى. الايدا قادىروۆ جۋرناليستەرگە بەرگەن سۇقباتىندا سوڭعى شەشىمدى تەك رەسەي پرەزيدەنتى ۆلاديمير پۋتين قابىلدايتىنىن جەتكىزدى.
