ۇكىمەت جەزقازعان قالاسىنداعى شارۋاشىلىق-اۋىز سۋ تازارتۋ قۇرىلىستارىن رەكونسترۋكتسيالاۋعا 1,8 ملرد تەڭگە ءبولدى

1893
Adyrna.kz Telegram
https://adyrna.kz/content/uploads/2025/05/whatsapp-image-2025-05-19-at-13.08.03-960x500.jpeg?token=17a8a10e9ab73a27a9fb51e36b0299ba
مەملەكەت باسشىسى قاسىم-جومارت توقاەۆتىڭ حالىقتى ساپالى اۋىز سۋمەن قامتاماسىز ەتۋ جونىندەگى تاپسىرمالارىن جۇزەگە اسىرۋ شەڭبەرىندە جەزقازعان قالاسىنىڭ شارۋاشىلىق-اۋىز سۋ تازارتۋ قۇرىلىستارىن رەكونسترۋكتسيالاۋعا ۇكىمەت رەزەرۆىنەن شامامەن 1,8 ملرد تەڭگە ءبولىندى. ءتيىستى قاۋلىعا پرەمەر-مينيستر ولجاس بەكتەنوۆ قول قويدى. قاراجات شارۋاشىلىق-اۋىز سۋ تازارتۋ قۇرىلىسىن جاڭعىرتۋعا مۇمكىندىك بەرەتىن مەمبرانالىق جابدىقتى ورناتۋ ارقىلى قۋاتى تاۋلىگىنە 124 مىڭ م3 قولدانىستاعى تازارتۋ قۇرىلىستارىن تولىق رەكونسترۋكتسيالاۋ جوباسىنىڭ ەكىنشى كەزەگىن جۇزەگە اسىرۋعا باعىتتالدى. اتالعان جوبانى جۇزەگە اسىرۋ جەزقازعان قالاسى تۇرعىندارى ءۇشىن الەۋمەتتىك ماڭىزدى ماسەلە بولىپ وتىر. وبلىس ورتالىعىن سۋمەن جابدىقتاۋ كەڭگىر سۋ قويماسى ارقىلى جۇزەگە اسىرىلادى. قالانىڭ شارۋاشىلىق-اۋىز سۋ تازارتۋ قۇرىلىستارى 1966 جىلى پايدالانۋعا بەرىلگەن. جابدىقتار مەن تەحنولوگيالاردىڭ توزۋى شامامەن 90%-دى قۇرايدى. بولىنگەن قارجى قازىرگى ۋاقىتتا 93,3 مىڭ ادامدى قۇرايتىن جەزقازعان قالاسى حالقىنىڭ الەۋمەتتىك-ەكولوگيالىق احۋالىن ودان ءارى جاقسارتۋعا جانە تۇرعىنداردىڭ سانيتارلىق-گيگيەنالىق ءومىر ءسۇرۋ دەڭگەيىن ارتتىرۋعا مۇمكىندىك بەرەدى.
پىكىرلەر