كولۋمبيانىڭ كينديو دەپارتامەنتىندە ەليكويدال كوپىرىندە ستۋدەنتتەر مىنگەن اۆتوبۋس اپاتقا ۇشىراپ، كەم دەگەندە 11 ادام قازا تاۋىپ، بىرنەشە ادام جاراقات الدى، دەپ حابارلايدى "ادىرنا" ۇلتتىق پورتالى ريا نوۆوستيگە سىلتەمە جاساپ.
جەرگىلىكتى بۇقارالىق اقپارات قۇرالدارىنىڭ مالىمەتىنشە، اۆتوبۋستا بارلىعى 26 ادام بولعان. ولاردىڭ 23-ءى ستۋدەنت، ال ۇشەۋى ينجەنەريا فاكۋلتەتىنىڭ وقىتۋشىسى. جولاۋشىلار تاجىريبەدەن ورالىپ كەلە جاتقان گۋمبولدت ۋنيۆەرسيتەتىنىڭ وكىلدەرى بولعان.
پوليتسيانىڭ الدىن الا بولجامى بويىنشا، جۇرگىزۋشى اۆتوبۋس تىزگىنىن مەحانيكالىق اقاۋعا بايلانىستى باسقارا الماي قالعان. كولىك كوپىردىڭ قورشاۋىنا سوعىلىپ، بىرنەشە جولاۋشى تەرەزە ارقىلى سىرتقا ۇشىپ كەتكەن.
جاراقات العاندار شۇعىل تۇردە جاقىن ماڭداعى اۋرۋحانالارعا جەتكىزىلدى.
قازىرگى ۋاقىتتا قازا تاپقان 11 ادامنىڭ اتى-ءجونى انىقتالعان. وقيعاعا بايلانىستى تەرگەۋ امالدارى جۇرگىزىلۋدە.