1 ماۋسىمدا تۇركىمەنستان پرەزيدەنتى سەردار بەردىمۇحامەدوۆ موڭعوليا پرەزيدەنتى ۋحنااگين حۋرەلسۋحتىڭ شاقىرۋىمەن ەلگە العاشقى مەملەكەتتىك ساپارمەن باردى، دەپ حابارلايدى "ادىرنا" ۇلتتىق پورتالى.
«بۋيانت-ۋحاا» حالىقارالىق اۋەجايىندا تۇركىمەنستان پرەزيدەنتى سەردار بەردىمۇحامەدوۆ پەن كەلگەن دەلەگاتسيانى موڭعوليانىڭ سىرتقى ىستەر ءمينيسترى باتمۋنحين باتتسەتسەگ، تۇرىكمەنستانداعى موڭعوليانىڭ توتەنشە جانە وكىلەتتى ەلشىسى د.بايارحۋ، موڭعولياداعى تۇرىكمەنستاننىڭ توتەنشە جانە وكىلەتتى ەلشىسى پ.دۋردىەۆ جانە باسقا دا رەسمي تۇلعالار سالتاناتتى تۇردە قارسى الدى.
تۇرىكمەنستان پرەزيدەنتىنىڭ موڭعولياعا العاشقى مەملەكەتتىك ساپارى اياسىندا ەكى ەل اراسىندا ۇكىمەتارالىق جانە ۇيىمارالىق قۇجاتتارعا قول قويىلادى. بۇل قۇجاتتار ەكىجاقتى قارىم-قاتىناستىڭ قۇقىقتىق نەگىزىن نىعايتىپ، ساۋدا، جەڭىل ونەركاسىپ، عىلىم، ءبىلىم، مادەنيەت جانە دەنساۋلىق ساقتاۋ سالالارىنداعى ىنتىماقتاستىقتى كەڭەيتۋگە جول اشادى.
ساپار بارىسىندا موڭعول-تۇرىكمەن بيزنەس-فورۋمى، تۇرىكمەن قولونەرى مەن كىلەمدەرىنىڭ كورمەسى، سونداي-اق بىرلەسكەن ساۋدا-مادەني ءىس-شارا ۇيىمداستىرىلادى.
