بۇگىن، 5 ماۋسىمدا شەرزات پولاتتىڭ ولىمىنە ايىپتاۋ جونىندەگى قىلمىستىق ءىس بويىنشا سوت ۇكىمى شىقتى، دەپ حابارلايدى «ادىرنا» ءتىلشىسى.
ابزال شىناسىلعا, ەكى اسا اۋىر جانە ءبىر اۋىر قىلمىس، قك-ءنىڭ 99-بابى 2-بولىگىنىڭ 5), 9), 14) تارماقتارى (ادام ءولتىرۋ), 24-بابىنىڭ 3-بولىگى – 99-بابى 2-بولىگىنىڭ 1), 7), 9) تارماقتارى (ادام ولتىرۋگە وقتالۋ), 293-بابىنىڭ 3-بولىگى (بۇزاقىلىق) جاساعانى ءۇشىن قىلمىستاردىڭ جيىنتىعى بويىنشا – 23 جىل باس بوستاندىعىنان ايىرۋ;
ساكيەۆ راۆيلگە, ءبىر اسا اۋىر جانە ءبىر اۋىر قىلمىس، قك-ءنىڭ 24-بابىنىڭ 3-بولىگى – 99-بابى 2-بولىگىنىڭ 7), 9) تارماقتارى (ادام ولتىرۋگە وقتالۋ), 293-بابىنىڭ 3-بولىگى (بۇزاقىلىق) جاساعانى ءۇشىن قىلمىستاردىڭجيىنتىعى بويىنشا تۇپكىلىكتى – 20 جىل باس بوستاندىعىنان ايىرۋ;
توقتاۋباەۆ ازاماتقا, قك-ءنىڭ 293-بابىنىڭ 3-بولىگى (بۇزاقىلىق), 188-بابىنىڭ 1-بولىگى (ۇرلىق) جاساعانى ءۇشىن، بۇرىن جاساعان اۋىر قىلمىسى جانە ول بويىنشا وتەلمەگەن جازاسى ەسكەرىلىپ – 15 جىل باس بوستاندىعىنان ايىرۋ;
ءىلياسوۆ نۇرقياسقا, قك-ءنىڭ 293-بابىنىڭ 3-بولىگى (بۇزاقىلىق) جاساعانى ءۇشىن، بۇرىنعى موتتىلىعى جانە ول بويىنشا وتەلمەگەن جازاسى ەسكەرىلىپ – 9 جىل باس بوستاندىعىنان ايىرۋ;
اسكەنتاي دارحان, توقتاۋباەۆ نۇربول، بەلعوجاەۆ شىڭعىس پەن قالياحمەت ديدارعا قك-ءنىڭ 293-بابىنىڭ 3-بولىگى (بۇزاقىلىق) جاساعانى ءۇشىن زاڭمەن كوزدەلگەن بارىنشا قاتاڭ جازا – ارقايسىسىنا 7 جىل باس بوستاندىعىنان ايىرۋ;
كامەلەت جاسقا تولماعان ىسقاق دۋمانعا قك-ءنىڭ 434-بابى (قىلمىس تۋرالى حابارلاماۋ) بويىنشا – 1 جىل 6 اي باس بوستاندىعىنان ايىرۋ جازاسى تاعايىندالدى.
سوتتالۋشىلاردىڭ ءبارى جازاسىن ورتاشا قاۋىپسىز مەكەمەدە وتەيدى.ودان بولەك، كەلتىرىلگەن مورالدىق شىعىننىڭ ەسەبىنە شىناسىلدان 60 ملن تەڭگە، ساكيەۆتەن – 30 ملن تەڭگە، سونداي-اق قالعان سوتتالعانداردان ورتاق تارتىپتە جانە ساكيەۆتەن – 30 ملن تەڭگە ءوندىرىلدى. كامەلەت جاسقا تولماعان ىسقاققا جابىرلەنۋشىلەر ازاماتتىق تالاپ قويماعان.
بۇعان دەيىن پروكۋرور دانا سارسەنباي سوتتان ءجاسوسپىرىمنىڭ قازاسىنا بايلانىستى ايىپ تاعىلعان توعىز ادامدى قىلمىس جاساعانى ءۇشىن 1,5 جىلدان 23 جىلعا دەيىن سوتتاۋدى سۇراعان ەدى. ال مارقۇم شەرزاتتىڭ وتباسى ايىپتالۋشىلاردان 660 ميلليون تەڭگە مورالدىق شىعىن وتەۋدى تالاپ ەتتى.
ەسكە سالا كەتەيىك، 4 قازان كۇنى تالعاردا 16 جاستاعى شەرزات پولاتتى وتباسىنىڭ كوزىنشە ءولتىرىپ كەتكەن بولاتىن. بۇل وقيعا قوعامدا ۇلكەن رەزونانس تۋدىرعان ىستەردىڭ ءبىرى بولدى. تەرگەۋ بارىسىندا 40 سوت ساراپتاماسى جۇرگىزىلىپ، 200 كۋاگەردەن جاۋاپ الىندى.
