تالعاردا قازا تاپقان ءجاسوسپىرىم شەرزات پولات ءىسى بويىنشا ءتورت كۋاگەردىڭ ارەكەتى تەكسەرىلەدى. بۇل تۋرالى بۇگىن، 5 ماۋسىمدا سۋديا ەرجان جانۇزاقوۆ ايتتى، دەپ حابارلايدى «ادىرنا» ءتىلشىسى.
ول ۇكىم شىققاننان كەيىن كۋاگەرلەردىڭ ارەكەتىندە قىلمىستىق بەلگى بولۋى مۇمكىن ەكەنىن مالىمدەدى. اتاپ ايتقاندا، ارلان قازىكەنوۆ، يۋلداش رۋزباەۆ، دانا جاقسىگەلدى جانە ەلميرا نۇربەكوۆاەسىمدى كۋاگەرلەردىڭ ءىس-ارەكەتىنە كۇمان تۋىنداعان.
سوت بۇل جايىندا ارنايى قاۋلى شىعاردى. ەندى ولاردىڭ ارەكەتىن الماتى وبلىسىنىڭ پروكۋراتۋراسى تەكسەرەدى.
بۇعان دەيىن سوت جارىسسوزىندە پروكۋرور دانا سارسەمباي وقيعا ورنىندا بولعان 4 كۋاگەردىڭ ارەكەتىنە قاتىستى جەكە قاۋلى شىعارۋدى سۇراعان ەدى.
