شىعارماشىلىق پەن شابىت الاڭى. «UniStar Astana» بايقاۋى ءساتتى ءوتتى

1 ماۋسىم – حالىقارالىق بالالاردى قورعاۋ كۇنىنە وراي استانا قالاسى اكىمدىگىنىڭ «مەملەكەتتىك شىعارماشىلىق تاپسىرىستى ىسكە اسىرۋ ديرەكتسياسى» كمم-ءسى مەن قازاقستاننىڭ «ArtDance» بي پورتالىنىڭ قولداۋىمەن اۋقىمدى «UniStar Astana» بايقاۋى ءوتتى. بايقاۋعا استانا، الماتى قالالارىنان، اقمول، جاقسى اۋداندارىنان قاتىسۋشىلار كەلدى. سايىستا جالپى 547 قاتىسۋشى ونەر كورسەتتى، ال 1100-دەن استام كورەرمەن بايقاۋعا قاتىسىپ، تالانتتاردى قولداپ، جارقىن قويىلىمداردى تاماشالادى. بايقاۋعا 4-16 جاس ارالىعىندا قاتىسۋشىلار ءان، بي، ينسترۋمەنتالدىق جانە اكتەرلىك شەبەرلىك بويىنشا ونەر كورسەتتى. سايىسقا قاتىسۋشىلاردىڭ ونەرىن 5 ءادىل قازىلار القاسى باعالاپ سايىس سوڭىندا دەمەۋشىلەردەن اقشالاي سىيلىقتار مەن گران-پري يەگەرىنە «جىل قورىتىندىسى» ەكىنشى پرەمياسىنا ارنايى شاقىرتۋعا يە بولدى.WoWLand جوبا دەمەۋشىسى ەڭ ۇزدىك نومىرلەرگە سەرتيفيكاتتار تابىستادى. بۇل بايقاۋ جاستاردىڭ شىعارماشىلىعىن كورسەتۋگە جانە وڭىرلەر اراسىنداعى مادەني بايلانىستاردى نىعايتۋعا مۇمكىندىك بەرەتىن الاڭعا اينالدى.