سيرياداعى مادەنيەت نىساندارى زاڭسىز قازبا جۇمىستارىن جۇرگىزۋ مەن سودىرلار مەن بيلىك اسكەرىنىڭ اراسىنداعى قاقتىعىستاردىڭ ناتيجەسىندە بۇزىلدى، دەپ مالىمدەدى ەلدىڭ كونە مۇرالار جانە مۋزەيلەر دەپارتامەنتىنىڭ ديرەكتورى ماامۋن ابدۋلكاريم. بۇل تۋرالى رەسەيدىڭ ريا نوۆوستي اقپارات اگەنتتىگى حابارلادى.
«سيرياداعى 10 مىڭنان استام ارحەولوگيالىق ەسكەرتكىشتەردىڭ 300-گە جۋىعى بۇزىلدى»،- دەدى ابدۋلكاريم.
سونىمەن قاتار، ول مادەني قۇندىلىقتاردىڭ جويىلۋىنا وزدەرىن «يسلام مەملەكەتى» دەپ اتايتىن تەررورلىق ۇيىمىنىڭ يدەولوگيالىق ساياساتى دا زاردابىن تيىگىزىپ وتىرعاندىعىن العا تارتتى. بۇل رەتتە ول پالميراداعى جاعدايدى مىسالعا كەلتىردى. وندا سوعىستىڭ سالدارىنان باسپاناسىز قالعان ازاماتتار تاريحي جادىگەرلەردىڭ اينالاسىنا قۇرىلىس سالۋعا دەيىن بارعان.
م.ابدۋلكاريم سونىمەن قاتار، دەپارتامەنت تاراپىنان قولعا الىنعان شارالار تۋرالى دا ايتىپ بەردى. «ەلدە ءتۇرلى قاقتىعىستار باستالىپ، جاعداي شيەلەنىسىپ بارا جاتقان 2012 جىلدىڭ جاز مەزگىلىنىڭ سوڭىنا تامان ءبىز بارلىق مۋزەيلەردى جاۋىپ تاستاپ، ارحەولوگيالىق نىسانداردى داماسك پەن وزگە دە قالالارداعى قاۋىپسىز ايماقتارعا كوشىرە باستادىق»،-دەدى دەپارتامەنت ديرەكتورى.
KAZMUSEUM.KZ
