قىتايداعى ۆيرۋستىڭ تارالۋ قارقىنى ارتقان سايىن، كورشىلەس ەلدەر ساقتىق شارالارىن كۇشەيتۋدە.
قىتايمەن شەكارالاساتىن ۆەتنام ءوز ەلىندەگى قىتاي جۇمىسشىلارىن ەلدەن شىعارۋعا شەشىم قابىلداعان. دانانگ ايماعىنداعى مال بورداقىلاۋ كاسىپورنىندا قىزمەت ەتەتىن 97 قىتاي وسى اپتادا قىتايعا قايتارىلماق. وعان باستى سەبەپ - قىتايداعى ۆيرۋستىڭ قارقىندى تارالۋى.
ۆەتنامداعى جۇمىسشىلارعا قىتاي كۇنتىزبەسى بويىنشا جاڭا جىلدى تويلاۋعا الدىن-الا قىتايدان بازارلىقتار كەلگەنى بەلگىلى بولدى.
"سول بازارلىق ارقىلى ۆيرۋستىڭ دا كەلۋ قاۋپى بار" دەگەن كۇدىكپەن جۇمىسشىلاردى ەلدەن شىعارۋعا شەشىم قابىلدانعان.
بۇل تۋرالى "ۆەتنام قىزىل راديوسى" باسىلىمى حابارلادى. ازىرگە جۇمىسشىلار قانشا ۋاقىتقا ەلدەن كەتەتىنى بەلگىسىز.
