قىتايدا حۋنان پروۆينتسياسىندا قۇس تۇماۋىنىڭ ءورشۋى بايقالدى. جەرگىلىكتى بيلىكتىڭ مالىمەتىنشە، فەرمالاردىڭ بىرىندە 4 مىڭنان استام برويلەر تاۋىقتارى اۋرۋعا شالدىققان جانە ولگەن. ينفەكتسيانىڭ تارالۋىن بولدىرماۋ ءۇشىن 18 مىڭعا جۋىق قۇس جويىلعان.
قۇس تۇماۋى ادامدار مەن جانۋارلارعا ۇنەمى قاۋىپ توندىرەدى.
ريا نوۆوستي حابارلاعانداي، بۇعان دەيىن رەسەي تاراپى دا روسپوترەبنادزور ارقىلى H5N8 ۆيرۋسىنىڭ قاۋىپتىلىگى تۋرالى ەسكەرتۋ جاريالاعان. «ۆيرۋستى رەسەيگە ەۋروپا ەلدەرىنەن قونىس اۋداراتىن قۇستار اكەلۋى مۇمكىن. رەسەيدىڭ وڭتۇستىك-باتىس ايماقتارىنا ۇلكەن قاۋىپ ءتوندى»،-دەگەن بولاتىن روپوترەبنادزور.
قازىر ىندەت ۆەنگريا، پولشا جانە سلوۆاكيادا تىركەلدى. جەلتوقساننىڭ اياعىندا ليۋبلينگە جاقىن فەرمادا قۇس تۇماۋىنىڭ ورشۋىنە بايلانىستى پولشادا 12 مىڭنان استام تۇيەتاۋىق قىرىلدى.
ادامدار H5N8 ۆيرۋسىن جۇقتىرعان جوق، بىراق ماماندار قۇس تۇماۋىنىڭ قوزدىرعىشى وتە تەز تارالاتىنىن ەسكەرتىپ وتىر.
