"ەۋرازيالىق ەكونوميكالىق وداققا مۇشە مەملەكەتتەردە تىركەلگەن جەكەلەگەن كولىك قۇرالدارىن قازاقستان رەسپۋبليكاسىنا اكەلۋدىڭ جانە قازاقستان رەسپۋبليكاسى ازاماتتارىنىڭ پايدالانۋىنىڭ كەيبىر ماسەلەلەرى تۋرالى" قازاقستان رەسپۋبليكاسى ۇكىمەتىنىڭ 2020 جىلعى 31 قاڭتارداعى №25 قاۋلىسى 3 اقپاندا ۇكىمەت سايتىندا جاريالاندى.
وندا قازاقستان رەسپۋبليكاسىنىڭ ازاماتتارى ەۋرازيالىق ەكونوميكالىق وداققا مۇشە مەملەكەتتەردەن 2020 جىلعى 1 اقپانعا دەيىن اكەلگەن اۆتوكولىك قۇرالدارىنا قاتىستى تولەم 2021 جىلعى 1 ناۋرىزعا دەيىن ەنگىزۋى كەرەكتىگى ايتىلادى.
سونىمەن قاتار، وندىرۋشىلەردىڭ (يمپورتتاۋشىلاردىڭ) كەڭەيتىلگەن مىندەتتەمەلەردى ورىنداعانىن راستايتىن قۇجات قازاقستان رەسپۋبليكاسىنىڭ ازاماتتارى ەۋرازيالىق ەكونوميكالىق وداققا مۇشە مەملەكەتتەردەن 2020 جىلعى 1 اقپانعا دەيىن اكەلگەن اۆتوكولىك قۇرالدارىن باستاپقى تىركەۋ كەزىندە جول قاۋىپسىزدىگىن قامتاماسىز ەتۋ جونىندەگى ۋاكىلەتتى ورگانعا 2021 جىلعى 1 ناۋرىزعا دەيىن ۇسىنىلادى.
قازاقستان رەسپۋبليكاسىنىڭ ىشكى ىستەر مينيسترلىگىنە 2020 جىلعى 1 ناۋرىزعا دەيىن زاڭنامادا بەلگىلەنگەن تارتىپپەن شارا قولدانۋ تاپسىرىلعان:
1) قازاقستان رەسپۋبليكاسىنىڭ ازاماتتارى ەۋرازيالىق ەكونوميكالىق وداققا مۇشە مەملەكەتتەردەن 2020 جىلعى 1 اقپانعا دەيىن اكەلگەن، "دوڭگەلەكتى كولىك قۇرالدارىنىڭ قاۋىپسىزدىگى تۋرالى" ەۋرازيالىق ەكونوميكالىق وداق تەحنيكالىق رەگلامەنتىنىڭ (كەدەن وداعى كوميسسياسىنىڭ 2011 جىلعى 9 جەلتوقسانداعى № 877 شەشىمى) تالاپتارىنا سايكەس كەلەتىن اۆتوكولىك قۇرالدارىن تىركەۋ;
2) كورسەتىلگەن ساناتتاعى اۆتوكولىك قۇرالدارىن تىركەۋ تۋرالى كۋالىكتەردىڭ جارامدىلىق مەرزىمىن 2021 جىلعى 1 ناۋرىزعا دەيىن بەلگىلەۋ;
3) قازاقستان رەسپۋبليكاسىنىڭ ازاماتتارى ەۋرازيالىق ەكونوميكالىق وداققا مۇشە مەملەكەتتەردەن 2020 جىلعى 1 اقپانعا دەيىن اكەلگەن كولىك قۇرالدارىن تىركەۋ جونىندەگى اقپاراتتى قازاقستان رەسپۋبليكاسىنىڭ قارجى مينيسترلىگىنە جىبەرۋ بويىنشا شارالار قابىلداسىن.
"قازاقستان رەسپۋبليكاسىنىڭ قارجى، ىشكى ىستەر، ادىلەت، ەكولوگيا، گەولوگيا جانە تابيعي رەسۋرستار مينيسترلىكتەرى زاڭنامادا بەلگىلەنگەن تارتىپپەن وسى قاۋلىدان تۋىندايتىن شارالاردى قابىلداسىن", - دەلىنگەن قاۋلىدا.
وسى قاۋلى العاش رەسمي جاريالانعان كۇنىنەن باستاپ قولدانىسقا ەنگىزىلەدى جانە 2021 جىلعى 1 ناۋرىزعا دەيىن قولدانىلادى.
