جامبىل وبلىسى قورداي اۋدانى ماسانچي اۋىلىندا بولعان جاپپاي توبەلەس پەن ءورت قويۋ سالدارىنان 30 ءۇي مەن 23 كولىك قيراپ قالعان، - دەپ حابارلايدى Tengrinews.kz ءتىلشىسى. بۇل تۋرالى ىشكى ىستەر ءمينيسترى ەرلان تۇرعىمباەۆ وكق-داعى بريفينگتە مالىمدەدى.
"بۇزاقىلىق ارەكەتتەردىڭ، ونىڭ ىشىندە وت قويۋدىڭ سالدارىنان الدىن الا مالىمەت بويىنشا 30 جەكەمەنشىك ءۇي، 15 ساۋدا نىسانى جانە 23 كولىك قيراتىلعان. قازىرگى ۋاقىتتا وقيعا ورنىن قاراۋ شاراسى ءجۇرىپ جاتىر، ءارى قاراي جاڭا مالىمەتتەر تاراتامىز", - دەدى مينيستر.
ەسكە سالايىق، بۇعان دەيىن 7 اقپاندا جامبىل وبلىسى قورداي اۋدانى سارتوبە جانە ماسانچي اۋىلدارىندا پوليتسەيلەرگە شابۋىل جاسالىپ، جاپپاي توبەلەس شىققانى ءمالىم بولعان.
بۇعان دەيىن مينيستر 8 ادامنىڭ قازا تاپقانىن مالىمدەدى
توقاەۆ قورداي اۋدانىنداعى جاعدايعا قاتىستى پىكىر ءبىلدىردى. ول وقيعانى ارانداتۋشىلار ءوز پايداسىنا قولدانباق بولعانىن مالىمدەگەن. كەيىن پرەزيدەنت جامبىل وبلىسىنداعى وقيعالارعا بايلانىستى مالىمدەمە جاساپ، قازا تاپقاندار مەن زارداپ شەككەندەر جايلى مالىمدە جاسادى.
