2013 جىلدىڭ 23 ءساۋىرى كۇنى (ساعات 19.00-دە) ع.مۇسىرەپوۆ اتىنداعى بالالار مەن جاسوسپىرىمدەر تەاترىندا «ءدۇلدۇل ءان مەن پىراق كۇي» اتتى ءان مەن كۇي كەشى وتەدى.
ۇلىستىڭ ۇلى كۇنىن ەجەلگى ساقتاردىڭ، عۇنداردىڭ ەرەكشە تويلاعاندىعى تۋرالى دەرەكتەر بار. سوندىقتان، ناۋرىز پارسىلاردىڭ ەمەس، ءوزىمىزدىڭ ءتول مەرەكەمىز. كەشتە تۇركىلەردىڭ جاڭا جىلدى قارسى الۋ داستۇرىنەن كورىنىس كورسەتىلەدى.
كوشپەلى قاۋىمنىڭ بۇكىل الەمدى باعىندىرۋىنىڭ باستى سەبەبى – ەڭ العاش بولىپ جاھاندا جىلقىنى اۋىزدىقتاپ ءمىنۋى، بابالارىمىزدىڭ اتتىڭ قۇلاعىندا ەركىن ويناۋى. ال بيىل جىلقى جىلى. سول سەبەپتى دە، جىلقى تاقىرىبىنداعى ءان مەن كۇي كەشىن وتكىزۋدى ءجون كوردىك. تەاتردىڭ كىرەبەرىسىندە قولونەر كورمەسى ۇيىمداستىرىلادى (18.00-دەن 19.00-گە دەيىن). وندا شەبەرلەردىڭ قولىمەن قىشتان، تەمىردەن، اعاشتان، توقىما ونىمدەرىنەن جاسالعان بۇيىمدار قويىلادى. ۇلتتىق بۇيىمدارعا قىزىعاتىن جۇرت وزىنە قاجەتتى زاتتى ساتىپ الۋىنا دا بولادى.
قولونەر كورمەسىنە قاتىسۋشىلار:
ت. جۇرگەنوۆ اتىنداعى قازاق ۇلتتىق ونەر اكادەميسىنىڭ ساندىك-قولدانبالى ونەر كافەدراسىنىڭ ۇستازدارى مەن شاكىرتتەرى;
ت. جۇرگەنوۆ اتىنداعى قازاق ۇلتتىق ونەر اكادەميسىنىڭ مەكتەپ-ينتەرنات، كوللەدجىنىڭ ۇستازدارى مەن شاكىرتتەرى;
جەكەلەگەن قولونەر شەبەرلەرى.
كەشكە قاتىسۋشىلار: جولامان قۇجيمانوۆ، رامازان ستامعازيەۆ، ايگۇل ۇلكەنباەۆا، تالعات مۇقىش، ەركىن نۇرحانوۆ، ەرلان تولەۋتاي، ەركىن شۇكىمان، اقان ءابدۋالى، ايگۇل قوسانوۆا، ارداق يساتاەۆا، ۇلجان بايبوسىنوۆا، تىلەۋلەس قۇرمانعاليەۆ، سەيىل اياعانوۆ، ابزال قۋانىشەۆ، تالعات ابۋعازى، سايات نۇرعازين، جاقسىكەلدى ماياساروۆ، سەرىك ساتىباەۆ، جاسۇلان قوڭىروۆ، جاسۇلان ساقاەۆ، باقتيار اقىمجانوۆ، عالىم قابدەنوۆ، سىرىم نۇرمولدين، «تۇران» توبى، «الاشۇلى» توبى.
ۇيىمداستىرۋشىلار: «ادىرنا» ۇلتتىق-ەتنوگرافيالىق بىرلەستىگى، «الماتى» تەلەارناسى
