الدىندا ونىڭ مۇنداي ءوتىنىشى ەكى رەتىندە دە قاناعاتتاندىرىلماعان.
“قازاتومونەركاسىپ” ۇلتتىق كومپانياسىنىڭ بۇرىنعى باسشىسى مۇحتار جاكىشەۆ ءۇشىنشى رەت ءوزىن مەرزىمىنەن بۇرىن شارتتى تۇردە بوساتۋدى سۇراپ، ءوتىنىش بەردى، دەپ حابارلايدى Dalanews.kz.
2020 جىلدىڭ 6 اقپانىندا مۇحتار جاكىشەۆ مەرزىمىنەن بۇرىن شارتتى تۇردە بوساتۋ تۋرالى ءۇشىنشى رەت ءوتىنىش ءتۇسىرىپ، ونى سەمەي سوتى 10 اقپاندا قابىلدادى، دەپ جازدى ادۆوكات نۇرلان بەيسەكەەۆ Facebook-تەگى پاراقشاسىندا وسى حاباردى بارشاعا جەتكىزۋگە اسىققانىن ايتا وتىرىپ.
“قازاتومونەركاسىپ” ۇلتتىق اتوم كومپانياسىنىڭ بۇرىنعى باسشىسى 2009 جىلى ءىرى ۋران كەن ورىندارىنداعى مەملەكەت ۇلەسىن ساتتى دەگەن ايىپپەن ۇستالعان. 2010 جىلى سوت جاكىشەۆتى وزىنە سەنىپ تاپسىرىلعان قاراجاتتى جۇمسادى جانە پارا الۋعا بايلانىستى ايىپتى دەپ تاپتى.
ول 14 جىلعا باس بوستاندىعىنان ايىرۋ جازاسىنا كەسىلدى.
2018 جىلعى 28 قاراشادا سەمەي سوتى جاكىشەۆتى 99,6 ميلليارد تەڭگە كولەمىندەگى شىعىندى وتەمەگەنى ءۇشىن شارتتى تۇردە مەرزىمىنەن بۇرىن بوساتۋدان باس تارتتى. 2019 جىلدىڭ 24 شىلدەسىندە دە سوت ونى ەكىنشى رەت شارتتى تۇردە مەرزىمىنەن بۇرىن بوساتۋعا رۇقسات بەرمەدى.
