ۇقك الماتىدا دەسترۋكتيۆ ءدىني اعىمىن ۇستاناتىن ەكى ادامدى ۇستادى،- دەپ حابارلايدى Tengrinews.kz تىلشىسى كوميتەتتىڭ سايتىنا سىلتەمە جاساپ.
"2020 جىلعى 14 اقپاندا قازاقستان رەسپۋبليكاسى ۇقك جەدەل-ىزدەستىرۋ ءىس-شارالارىن ۇيىمداستىرۋ ناتيجەسىندە الماتى قالاسىندا دەسترۋكتيۆ ءدىني اعىمنىڭ 2 ۇستانۋشىسىن ۇستاپ، سوت سانكتسياسىمەن قاماۋعا الدى.
كوميتەت مالىمەتىنشە، ولارعا قاتىستى تەرروريزم اكتىسىنە دايىندالۋ (قر قىلمىستىق كودەكسىنىڭ 255-بابى) جانە تەرروريزمدى ناسيحاتتاۋ (قر قىلمىستىق كودەكسىنىڭ 256-بابى) فاكتىلەرى بويىنشا قىلمىستىق ىستەر قوزعالدى.
تەرگەۋ ماتەريالدارى بويىنشا، قاماۋعا الىنعاندار رەسپۋبليكا اۋماعىندا، سونىڭ ىشىندە ادامدار كوپ شوعىرلانعان ورىنداردا تەرروريستىك اكتىلەر دايىنداعان.
ۇقك مالىمەتىنشە، تەرگەۋ جالعاسىپ جاتىر.
