شىن الاششىل، حاس ەلشىل، ۇلتشىل ءارى باتىل دا باتىر ازامات دۋلات اقادىلدى ونىڭ كوزى تىرىسىندە سوڭىنان ەرە الماعان، قاندىقول قاراقشىلاردان قورعاي الماعان قازاعى سوڭعى ساپارعا اتتاندىرعالى وتىر. ونىڭ ءادىل سوزىنەن، قارا قىلدى قاق جاراتىن ءار كەسىمىنەن كوزى تىرىسىندە ولەردەي قورقىپ قالتىراعاندار ەندى، مۇردەسىنەن دە ۇرەيلەنىپ جانتالاسا ارپالىسىپ جاتىر. توپىراق سالۋعا، سوڭعى ساپارىنا شىعارىپ سالۋعا كەلمەك بولعان تىلەۋلەستەرىن جەر-جەرلەردە ۆوكزالدان تۇتقىنداپ، ۇرىپ-سوعىپ جابىرلەپ جاتىر.مارقۇمنىڭ ءۇيى قالانىڭ سىرتىندا ەدى. قازىر قالادان شىعاتىن جولداردىڭ ءبارى جابىق. بۇل دا ءبىر سىلتاۋ. بىراق، سولاي ەكەن دەپ كومۋسىز قالمايدى. ەل بار، جۇرت بار. دەسەك تە، بۇل ساياسي جۇيە نەگە سونشاما قورقاق؟ اباي حاكيم ايتقانداي ء"ار نادان قورقاق" كەلەدى. اتا-بابالارى-بولشەۆيكتەر عوي، "ويان، قازاق!" دەپ قازاق دالاسىن ءدۇر سىلكىندىرگەن كەشەگى الاش كوسەمى دۋلاتوۆتان دا قورقىپ، ونى تابان استىندا تۇتقىنداپ اتىپ تاستاعان. سول الاشتىڭ ءىزباسار ۇرپاعى بۇگىنگى دۋلاتتى دا ءدال كەشەگىدەي ءتۇن قاتىپ كەلىپ، ۇستاپ اكەتتى، قامادى، جانىن الدى. الاش ازاماتىنا جاپقان سول باياعى جالانى جاپتى. ەندى، مىنە جەرلەۋىنەن قورقىپ قالشىلداپ وتىر. رۋحى بيىك ۇلدىڭ مۇردەسى جەرلەنگەنىمەن، يدەياسى ولمەيدى، سودان قورقادى. ءبىر دۋلاتتى ولتىرسە دە، مىڭداعان ميلليون دۋلاتتىڭ الدىندا دارمەنسىز ەكەندىكتەرىن ولار دا سەزەتىن بولسا كەرەك. ايتىپ ايتپاي نە كەرەك، قازىر وزدەرىن "الاششىلمىن، الاشتانۋشىمىن" دەپ كەۋدەسىن سوعىپ جۇرگەن، رەسمي ورىنداردىڭ جاعىمپاز جالتاق قورتىقتارى لىققان يتتەن دە كوپ. ساداعا كەتىڭدەر، الاشتان، تويىمسىز قورقاۋ ارامتاماقتار! قازاق ەلى بۇگىن شىن الاششىل، ناعىز وتانشىل ۇلىن جەرلەپ جاتىر. باقۇل بول، باۋىرىم!
باسقا ماتەريالدار
Adyrna.kz ұлттық порталының маңызды ақпараттарына жазылу
Соңғы жаңалықтар туралы хабардар болыңыз