الەۋمەتتىك جەلىلەردە جانە WhatsApp مەسسەندجەرىندە كوروناۆيرۋستىڭ تارالۋىنا بايلانىستى تاراپ كەتكەن اقپاراتقا قاتىستى ۇكىمەتتە شۇعىل وتىرىس ءوتتى.
WhatsApp مەسسەندجەرىندە «قر دەنساۋلىق ساقتاۋ مينيسترلىگى قر-دا كوروناۆيرۋستىڭ تارالۋىن جوققا شىعارمايدى. وسىعان وراي وقۋشىلار مەن ستۋدەنتتەردى دەمالىسقا جىبەرۋ جوسپارلانىپ وتىر. قوعامدىق كولىكتەرگە تەكسەرۋ جۇرگىزىلىپ، بارلىق قوعامدىق ءىس-شارالار الىنىپ تاستالادى جانە 2 ناۋرىزدان باستاپ بارلىق مەملەكەتتىك ورگاندار قاتاڭ تارتىپكە كوشەدى»،-دەگەن حابارلاما تاراعان بولاتىن.
ەلىمىزدىڭ دەنساۋلىق ساقتاۋ مينيسترلىگى «بۇل اقپارات شىندىققا سايكەس كەلمەيدى» دەپ رەسمي حابارلايدى.
"قر دەنساۋلىق ساقتاۋ مينيسترلىگى قر اۋماعىندا كوروناۆيرۋستىق ينفەكتسيانىڭ اكەلىنۋى مەن تارالۋىنا جول بەرمەۋ بويىنشا بارلىق قاجەتتى شارالاردى قابىلدايدى. قۇرمەتتى ازاماتتار، الەۋمەتتىك جەلىلەردەگى جالعان اقپاراتتارعا سەنبەۋدى سۇرايمىن. تەك رەسمي دەرەككوزدەرگە عانا سەنۋ كەرەك. بارلىق ناقتى اقپاراتتى ءسىز قر دەنساۋلىق ساقتاۋ مينيسترلىگىنىڭ، دسم تاۋارلار مەن قىزمەتتەردىڭ ساپاسىن باقىلاۋ كوميتەتىنىڭ رەسمي سايتىنان جانە دەنساۋلىق ساقتاۋ مينيسترلىگىنىڭ Facebook جانە تاۋارلار مەن قىزمەتتەر قاۋىپسىزدىگى جانە ساپاسىن باقىلاۋ كوميتەتىنەن بىلە الا الاسىزدار", - دەپ حابارلادى اتالمىش ۆەدومستۆو.
