1916 جىلعى ۇلت-ازاتتىق كوتەرىلىس دۋمادا قالاي قارالدى؟

2359
Adyrna.kz Telegram

الماتى قالاسى ىشكى ساياسات باسقارماسىنىڭ قولداۋىمەن ناۋرىزباي اۋدانىنداعى №188 بەردىبەك سوقپاقباەۆ اتىنداعى مەكتەپتە «ادىرنا» ۇلتتىق-ەتنوگرافيالىق بىرلەستىگى ۇلت-ازاتتىق كوتەرىلىستىڭ 100 جىلدىعىنا وراي «1916 جىلعى كوتەرىلىستىڭ مەملەكەتتىك دۋمادا قارالۋى» اتتى ارنايى دوڭگەلەك ۇستەل وتكىزدى.

وعان بەلگىلى جازۋشى، تاريحشى بەيبىت قويشىباي قاتىسىپ، تىڭ تاريحي دەرەكتەرمەن وي ءبولىستى. «1916 جىلعى كوتەرىلىستىڭ تاريحي ءمانىن لايىقتى دارەجەدە تانۋ ءۇشىن، ونى زەرتتەۋ كەزىندە، بارشا قۇجاتتىق بازانى بىرگە قاراستىرۋ ماڭىزدى. زەرتتەۋدە ورىس پارلامەنتى ماتەريالدارى دا بولۋعا ءتيىس. ويتكەنى رەسەي يمپەرياسىنىڭ ءتورتىنشى شاقىرىلعان مەملەكەتتىك دۋماسى كوتەرىلىستىڭ سەبەپ-سالدارلارىن تالقىلاپ، ۇكىمەتكە، مينيسترلىككە، جەرگىلىكتى اكىمشىلىكتەرگە جولدانباق دەپۋتاتتىق ساۋالداردى بەكىتكەن ەدى» دەيدى بەيبىت قويشىباي. IV مەملەكەتتىك دۋمادا بايان­داما جاساعان دەپۋتاتتاردىڭ ءسوزىن العا تارتىپ، ونداعى نازار اۋداراتىن دەرەكتەردى اتاپ كورسەتتى. سونداي-اق دوڭگەلەك ۇستەلگە قاتىسقان ناۋرىزباي اۋدانىنىڭ تۇرعىندارى سول كەزدەگى كوتەرىلىس ايماقتارى مەن جەتەكشىلەرىنىڭ ارحيۆتەن الىنعان سۋرەتتەرىن كورمەدەن تاماشالادى. ءداستۇرلى ءان ونەرىن دارىپتەۋشى جولامان قۇجيمانوۆ پەن ەركىن نۇرحانوۆتىڭ سالعان اندەرىن تىڭداپ، رۋحتاندى.


جادىرا نارماحانوۆا  "انا ءتىلى"

 

پىكىرلەر