سەرىك ەرعالي: مەنىڭ استاناما - 15 جىل

10.04.2020

2886

استاناعا كەلگەنىمە 15 جىل بولعانىمدا مەن بۇل قالاعا الەۋەتىمدى قوستىم دەي المايمىن. ارينە، باسقا سالاعا ەلدىڭ دامۋىنا ۇلەس قوسۋ دەگەن ماعانادا ايتىپ وتىرمىن. ءوز عۇمىرىما قاراپ وتىرىپ، ءبىزدىڭ قانشاما ۇرپاق ءومىرىن زايا كەتىرىپتى، ءبىز نە رۋحاني بايلىقتى، نە ماتەريالدىق بايلىقتى ۇستەمەلەي المادىق. نەگە؟
بۇكىل ەل ءبىر كىسىنىڭ تاعدىرى ءۇشىن عۇمىر كەشكەندەي اسەر بار. نە دەگەن قورلىق... قانشاما ادام قۇسادان كەتتى، كەتىپ جاتىر...
بىراق مەندە سونشاما وكىنىش جوق. ءويتكەنى، ازدى-كوپتى ەڭبەگىم مەن ءومىرىم زايا ەمەس.ءالى كوپ نارسەنى ىستەيمىن/ز. الايدا قازاق دەگەن ارعىماق حالىق قوي. الەمدى بيلەگەن اسىل تۇقىمدى تورە حالىق.
بۇنداي ساۋاتتى، اقىلدى، سابىرلى، ءتوزىمدى، العىر، زەيىندى، بەيىمدى، العا ۇمتىلعىش، بيىككە اسىعاتىن ۇلت مەيلىنشە از! سونى ءوزى بىلمەيدى. ءوزىنىڭ قادىرىن ءوزى بىلمەيدى، بىلگىزبەيتىندەر كوبەيىپ تۇر. ستالين ايتقانداي، قازاق ونى بىلسە، ماساتتانىپ ولەدى. سوندىعىمەن تويشىل، سوندىعىمەن جالقاۋ، سوندىعىمەن باسەكەشىل، سوندىعىمەن سويقان عوي!!!
ءالى-اق ارعىيدى!
مەنىڭ ارمانىم مەن ۇسىنىسىم - ۇلىتاۋدان استانا سالۋ بولاتىن. ءاي، ءالى دە سول بولادى-اۋ!
استانانى ورتالىققا كوشىرۋ، سولجەنيتسىننىڭ ايگىلى "كاك وبسترويت روسسيۋ" دەگەن ساندىراعىنا قارسى جاۋاپ رەتىندە "كوسەگە قايتسە كوگەرەر" ماقالامدا كەلتىرىلگەن-ءدى.
كەيبىر نارسەلەردى قايتادان جاڭعىرتىپ قوعامعا ۇسىنۋ كەرەك بولىپ تۇر.
قازاقتىڭ استاناسىنا - بالەنباي عاسىر. نۇرەكەڭنىڭ استاناسىنا - 22 جىل. مەنىڭ استاناما - 15 جىل.
اركىم ءوز استاناسىنا يە بولعانى دۇرىس. ەلدىڭ استاناسى بىرەۋگە عانا تيەسىلى بولماۋى كەرەك.