امەريكا قۇراما شتاتتارىنىڭ وڭتۇستىگىندە تورنادو سالدارىنان كەمىندە 30 ادام قازا تاپتى. بۇل تۋرالى USA Today-عا سىلتەمە جاساپ، 24.kz حابارلادى.
باسىلىمنىڭ مالىمەتىنشە، ميسسيسيپي شتاتىندا 11 ادام، وڭتۇستىك كارولينادا 9, دجوردجيا شتاتىندا 6 ادام جانە قالعان 4 ادام اركانزاس پەن سولتۇستىك كارولينادا مەرت بولعان. اۋا-رايىنىڭ قولايسىزدىعى سۋ تاسقىنى مەن كوشكىنگە ۇلاستى.
ون شتاتتاعى 750 مىڭ ءۇي ەلەكتر جارىعىنسىز قالدى، جۇزدەگەن اعاشتار قيراپ، ۇيلەر ءبۇلىندى.
اقش مەتەورولوگيالىق ورتالىعىنىڭ حابارلاۋىنشا، بۇل تورنادو سەگىز جىلدا العاش رەت بولعان ەڭ جويقىن داۋىل رەتىندە تىركەلدى.
