ەلباسىنىڭ «بولاشاققا باعدار: رۋحاني جاڭعىرۋ» ماقالاسى جولداۋدا قوزعالعان باعىتتاردى كەڭىنەن تارقاتىپ، مەملەكەتتىك يدەولوگيانى انىقتايتىن، كوپكە تۇسىنىكتى، رۋحاني جاڭعىرتۋعا باعىتتالعان قۇجات دەپ بىلەمىن.
ماقالانى وقي وتىرىپ، ونىڭ ءاربىر سويلەمىندە بۇگىنىمىز بەن بولاشاعى جارقىن قازاقستانعا اپاراتىن ناقتى جوسپار، ماقسات كورسەتىلگەندىگىن ءتۇسىندىم. ەلىمىزدە الەۋمەتتىك-ەكونوميكالىق، ساياسي رەفورمالار جاقسى جۇزەگە اسۋدا. ال بۇل ماقالاداعى رۋحاني ورلەۋ، رۋحاني جاڭعىرۋدى ءبىزدىڭ دامۋىمىزدىڭ ەڭ باستى تۇعىرلارىنىڭ ءبىرى دەپ ەسەپتەيمىن.
ءار حالىق، ءار مەملەكەت عاسىرلار بەدەرىندە رۋحاني جاڭعىرىپ، جاڭارىپ وتىرادى. ال رۋحاني جاڭعىرۋ مەن جاڭارۋدا ءبىلىم بەرۋدىڭ ءرولى زور. ءبىز ءوزىمىزدىڭ ۇلتتىق ەرەكشەلىكتەرىمىزدى ساقتاي، ەسكەرە وتىرىپ، الەمدە بولىپ جاتقان جاڭالىقتاردى قابىلداي ءبىلۋىمىز كەرەك. بىرنەشە ءتىلدى بىلگەن ادام ەشتەڭەدەن ۇتىلمايدى.
«ەل بولام دەسەڭ، بەسىگىڭدى تۇزە» دەيدى ۇلى مۇحتار اۋەزوۆ. ءاربىر بىلىمگەر ءوز جەرى مەن ونىڭ بايلىعىنىڭ يەسى بولۋ ءۇشىن جاڭا تەحنولوگيالاردى مەڭگەرىپ، جاڭاشا ءومىر سۇرۋگە ۇيرەنۋدىڭ جولدارىن بىلۋگە ءتيىس. ەگەر قوعامنىڭ دامۋ كىلتى ءبىلىمدى ادامداردىڭ جاڭاشا قىزمەت اتقارۋىن كەرەك ەتەتىن بولسا، سول جاڭاشىل ادامداردى، بولاشاق قوعام مۇشەلەرىنە ءبىلىم مەن تاربيە بەرۋدى جۇزەگە اسىراتىن ماماندار دايىندايتىن ءبىزدىڭ ءبىلىم بەرۋ ۇيىمدارى ەلباسى كوزدەگەن باعىتتارعا لايىقتى بولۋى ءتيىس. ەڭ باستىسى، ءبىلىم بەرۋگە قويىلىپ وتىرعان جاڭا تالاپتاردى ورىنداۋدا كوپتەگەن جۇمىستار جۇرگىزىلىپ، جاستاردىڭ ءۇش تىلدە ءبىلىم الۋىنا، جاڭا تەحنولوگيالاردى ءبىلىم بەرۋ جۇيەسىنە ەنگىزۋدە وڭىرىمىزدە كەلەلى جۇمىستار اتقارىلۋدا. ۇلت جوسپارىن ورىنداۋدا ءار سالانىڭ وزىندىك ۇلەسى بولسا، ۇزتازدار قاۋىمى قوساتىن ۇلەس –جاس ۇرپاقتى جاڭا قوعام مۇشەسى ەتىپ ءبىلىم مەن تاربيە بەرۋدى جاڭاشا قۇرۋ، ونى وسى ەلباسىمىز كورسەتىپ وتىرعان تالاپتارعا ساي ورىنداۋ دەپ بىلەمىن.
ارۋجان ارسەنوۆا
ءال فارابي اتىنداعى قازۇۋ فيلولوگيا جانە الەم تىلدەرى فاكۋلتەتىنىڭ ستۋدەنتى
عىلىمي جوبا جەتەكشىسى ف.قوزىباقوۆا،
ءال-فارابي اتىنداعى قازاق ۇلتتىق ۋنيۆەرسيتەتى تاريح جانە ارحەولوگيا، ەتنولوگيا فاكۋلتەتىنىڭ قازاقستان تاريحى كافەدراسىنىڭ پروفەسسورى.
