مامىر ايىنىڭ سوڭىنا دەيىن كوروناۆيرۋس جۇقتىرعاندار سانى 4 مىڭعا جەتۋى مۇمكىن. مۇنى ەلىمىزدىڭ باس سانيتار دارىگەرى ايجان ەسماعامبەتوۆا وكق-دا وتكەن ءباسپاسوز ماسەليحاتىندا مالىمدەدى.
"قازىرگى ۋاقىتتا قازاقستان ەپيدەميانىڭ ءورشۋ كەزەڭىندە تۇر. جۇقتىرۋ دەڭگەيى 8 پايىز شاماسىندا. بولجامىمىز بويىنشا، ءساۋىردىڭ اياعىنا دەيىن 2700 ادام، مامىردىڭ سوڭىنا دەيىن 4 000 ادام ۆيرۋس جۇقتىرۋى مۇمكىن", - دەدى.
سونداي-اق ول ينفەكتسيا وشاقتارىنان كوروناۆيرۋس جۇقتىرعاندارمەن بايلانىستا بولعان 39 585 ادامنىڭ انىقتالعانىن ايتتى.
ەستەرىڭىزگە سالا كەتسەك، بۇعان دەيىن باس دارىگەر ءبىرتانوۆ ىندەتكە 3 500 ادام شالدىعۋى مۇمكىن ەكەنىن ايتقان ەدى. https://adyrna.kz/post/35837
قازىرگى كەزدە ەلىمىزدە 2070 ادام كوروناۆيرۋس جۇقتىرعان. جازىلعاندار - 505. قايتىس بولعاندار - 19.
"ادىرنا" ۇلتتىق پورتالى
