لوگيكانى ۋاقىتشا «وشىرە» تۇرىڭىز. ءبىز بۇگىن ءسىزدىڭ بەيساناڭىزبەن جۇمىس جاسايمىز. سۇراقتارعا جاۋاپ بەرۋ بارىسىندا ويلانباڭىز، كىدىرمەڭىز. بىردەن ويعا كەلگەنىن جازىپ وتىرىڭىز. تەستىنىڭ ناتيجەسى ناقتى بولسىن دەسەڭىز، ءوزىڭىزدى الداماڭىز.
ال، باستايىق:
1. ورماندا بىرەۋمەن كەلە جاتقانىڭىزدى ەلەستەتىڭىز، ول كىم بولۋى مۇمكىن؟
2. ورماندا كەلە جاتىپ، جانىڭىزدا ءبىر جانۋار جۇرگەنىن بايقادىڭىز. ول قانداي جانۋار؟
3. كوزدەرىڭىز ءتۇيىستى، ەندى نە بولادى؟
4. ءالى ورماندا كەلە جاتىرسىز. ارمانىڭىزداعى ءۇي تۇرعان ءبىر جەرگە كەلدىڭىز. ءۇيدىڭ كولەمى قانداي؟
5. ارمانىڭىزداعى ءۇيدىڭ سىرتىندا قورشاۋ بار ما؟
6. ۇيگە كىردىڭىز. اس ۇيگە بارا جاتىرسىز. ۇستەلدىڭ ۇستىندە جانە جان-جاعىندا نە بار؟
7. ۇيدەن ارتقى ەسىك ارقىلى شىقتىڭىز. ءشوپتىڭ ۇستىنە كەسە جاتىر. ول نەدەن جاسالعان؟
8. ونى كورىپ، نە ىستەر ەدىڭىز؟
بۇل سۇراقتار ءسىزدىڭ قۇندىلىقتارىڭىزدى انىقتاۋعا ارنالعان. ونىڭ تالداۋى تومەندەگىدەي:
1. جانىڭىزداعى كەلە جاتقان ادام – ومىرىڭىزدەگى ەڭ ماڭىزدى ادامنىڭ ءبىرى.
2. جانۋاردىڭ كولەمى – بەيساناڭىزداعى پروبلەمالاردىڭ كولەمى. نەعۇرلىم ۇلكەن بولسا، سوعۇرلىم ءوزىڭىزدى اۋىر سەزىنەسىز.
3. كۇتپەگەن كەزدەسۋگە دەگەن «رەاكتسياڭىز» - ماسەلەنى شەشۋدىڭ جولى، ياعني اگرەسسيۆتى، ءپاسسيۆتى نە قاشۋ.
4. ءۇيدىڭ كولەمى – مەنمەندىكتىڭ كولەمىنە تەڭ. ەگەر ءۇي تىم ۇلكەن بولسا، دەمەك ومىرگە دەگەن «تالاپتارىڭىز» دا زور.
5. ەگەر ءۇيىڭىزدىڭ قورشاۋى بولماسا، ءسىز ەركىندىكتى سۇيەتىن ادامسىز. ەگەر بار بولسا، جالعىزدىقتى ۇناتاسىز. جەكە اۋماق ماسەلەسىنە كەلگەندە قاتالسىز. سونىمەن قاتار وزگەلەردىڭ دە جەكە اۋماعىنا رۇقساتسىز كىرمەيسىز.
6. ەگەر بۇل بولمەدە گۇل، تاماق، ادامداردى كورمەسەڭىز، دەمەك ءسىز ءوزىڭىزدى باقىتسىز سەزىنەسىز.
7. كەسەنىڭ ماتەريالىنىڭ مىقتىلىعى ءسىزدىڭ ءوز وتباسىڭىزداعى قارىم-قاتىناستى قابىلداۋ مانەرىن تۇسىندىرەدى. پلاستيك، قاعاز نە شىنىدان جاسالعان كەسە كورسەڭىز، وتباسىڭىزدىڭ بولاشاعىنا الاڭدايسىز. ەگەر كەسە فارفور، تەمىر نە مەتالدان جاسالعان بولسا، وتباسى ماسەلەسىن ۋايىمداماۋىڭىزعا بولادى.
8. بۇل ارەكەتىڭىز 1 نومەردەگى سۇراقتاعى ادامعا دەگەن قارىم-قاتىناسىڭىزدى بەينەلەيدى.
ەسكەرتۋ: بۇل تەستىنى اراعا بىرنەشە كۇن سالىپ، قايتا بايقاپ كورسەڭىز بولادى. سەبەبى بۇل تەست ءسىزدىڭ مىنەز-قۇلقىڭىزدى ەمەس، پسيحوەموتسيونالدى كۇيىڭىزدى عانا تۇسىندىرەدى.
"ادىرنا" ۇلتتىق پورتالى
[wpforms id="36137"]
