مەملەكەت باسشىسى قاسىم-جومارت توقاەۆ ەلىمىزدىڭ الداعى دامۋى بارىسىندا ماڭىزدى ون باعىتقا اسا ءمان بەرىلەتىنىن ايتتى.
سولاردىڭ ءبىرى - جاستارعا قولداۋ كورسەتۋ. ەلىمىزدە 2019 جىل جاستار جىلى دەپ جاريالانىپ، «جاستار - ەل تىرەگى» ارنايى جوباسى جۇمىس ىستەي باستادى. وسى جوبا اياسىندا، اسىرەسە، ءوز كاسىبىن اشقىسى كەلەتىن ماقساتشىل ، ەڭبەكقور جاستاردىڭ باستامالارى ۇلكەن قولداۋ تابۋدا .
سونداي-اق، «پرەزيدەنتتىڭ كادرلىق رەزەرۆىنىڭ» قالىپتاستىرىلۋى مەملەكەتتىك قىزمەت سالاسىندا تالانتتى جاستاردىڭ ىلگەرىلۋىنە جول اشادى.
تاۋەلسىزدىك كەزىندە دۇنيەگە كەلگەن ، ازاتتىق رۋحىن ساناسىنا ءسىڭىرىپ وسكەن ، ەركىن ويلى جاستار ، راسىندا ، تاۋەلسىز ەلدىڭ تىرەگى بولۋعا قۇلشىنادى. بۇل جولدا، بىزگە ەڭ الدىمەن، لايىقتى ءبىلىم الۋ، ءتىل ۇيرەنۋ قاجەت. مەن ءوزىم جۋرناليست ماماندىعىن تاڭدادىم . بۇل ماماندىقتىڭ يەلەرى قاشاندا ەل مۇددەسىنە ادال، قوعامدىق ومىردە بەلسەندى بولۋعا ۇمتىلادى. سوندىقتان بۇل ۇلكەن جاۋاپكەرشىلىك ەكەنىن جاقسى تۇسىنەمىن.
مەملەكەت باسشىسى: «قازاقستان - جاس ءارى جاستاردىڭ مەملەكەتى»،- دەپ ، دامۋدىڭ قوزعاۋشى كۇشى جاستار ەكەنىن اتاپ ءوتتى . ءبىز وسى سەنىمدى اقتاۋعا بار كۇشىمىزدى سالامىز.
تۋعان ەلدى كوركەيتىپ، تۋعان جەردى گۇلدەندىرۋ جولىندا ادال ەڭبەك ەتىپ جۇرگەن جاڭداردى وزىمىزگە ءاردايىم ۇلگى تۇتامىز .
اتاپكەلوۆا اقبايان،
«تۇران» ۋنيۆەرسيتەتى
جۋرناليستيكا فاكۋلتەتىنىڭ ستۋدەنتى
