مەيرامبەك بەسباەۆ: 42 مىڭ تەڭگەگە قىرىلىپ قالعان باسقا ۇلتتى كورگەن جوقپىن (ۆيدەو)

4296

ءانشى مەيرامبەك بەسباەۆ Almaty.tv كانالىنىڭ «شىنايى اقبەرەنمەن» باعدارلاماسىندا ءوزىن الاڭداتىپ جۇرگەن  ماسەلەلەر جايىندا سۇحبات بەردى. ۇتىس ويىنىن وتكىزگەن ەرنار ايدارعا اراشا تۇسكەنى، ءوزىنىڭ اتقارىپ جۇرگەن قىزمەتى جايىندا دا ءسوز ەتتى.

ول بۇگىندە بيلىكتەن كومەك سۇراپ، 42 مىڭ جاردەماقى ءۇشىن تالاسىپ جاتقان باسقا ۇلتتى كورمەدىم دەيدى. قازاق ءتىلى توڭىرەگەندە دە كوكەيىندەگىسىن ايتتى.

«ءبىر كوشەدە ەكى باي تۇرىپ، جاعدايى تومەن كورشىسىنە قارايلاماعانىنا مەنىڭ جۇرەگىم اۋىردى. بۇگىندە كومەكتى سۇراپ جاتقان تەك قانا قازاقتار. ونىڭ ءبىر سەبەبى، جالقاۋلىق پا دەپ ويلايمىن. قانىمىزدا بار. مەن الىسقا كەتپەي-اق قويايىن، ءوزىم دە جالقاۋمىن. اسپاننان بىرەۋ اكەلىپ بەرۋ كەرەك بىزگە. بولماسا تىرەپ تۇرعان تانىسىمىز بولۋ كەرەك. جۇمىس ىستەمەيمىز. مەنىڭ ماڭايىمداعى تۋىسقاندارىم دا جالقاۋ بولىپ كەتتى. بىلىمگە ۇمتىلمايتىن، قۇر جاتا بەرەتىن ىنىلەرىم كوپ. ەڭ بولماسا، 42 مىڭ تەڭگەگە قىرىلىپ قالعان باسقا ۇلتتى كورگەن جوقپىن. ءبىز ابدەن كوكىرەكتەنىپ كەتكەنبىز. مەن قازاقپىن، مەن ۇلىمىن دەپ ايتىپ جاتامىز. ءسوز جوق - ۇلىمىز، دانا حالىقپىز. بىراق، ءححى عاسىردا قاشانعا دەيىن كوكىرەك ۇرىپ وتىرا بەرەمىز؟ ەمدەلەيىك، بولدى عوي ەندى…»، – دەدى مەيرامبەك بەسپاەۆ

پىكىرلەر
رەداكتسيا تاڭداۋى