قازاق ۇلى تاريحتى يەمدەنۋدەن قايمىعىپ وتىر

712
وسمان يمپەرياسىنىڭ باعىندىرعان جەرى ءبىزدىڭ بابالارىمىزدىڭ جاۋلاپ الىپ وردالى حاندىق قۇرعان جەرىنىڭ جارتىسىنىڭ جارتىسىنا جەتپەيدى ەكەن.
باتۋ 1236 - 37 جىلدارى ءوزىنىڭ ەۋروپاعا جاساعان جورىعىندا جاسىنداي جارقىراپ ول قۇرلىقتا وزىنە تەڭ كەلەر قولباسشى، ءوز اسكەرىنە تەڭدەسەر اسكەر تاپپاعان ەدى. جايپاپ وتە سالدى.
ءتىپتى، التىن وردانىڭ ءوزارا تارتىستان قۇلدىراعان ەڭ ءبىر قيىن كەزەڭىندە (1399 جىلى) ماڭعىت ەدىگە مەن تەمىر قۇتلىق حان ۆورسكلا وزەنىنىڭ بويىندا بىرىككەن ەۋروپا اسكەرىمەن كەزدەسىپ، ولاردى سول ۇرىستا تاس - تالقان قىلىپ جەڭىپ پولشاعا شەيىن قۋىپ تاستادى.
جالپى، وردالىقتار تۋرالى ءتۇرلى اڭىزدى جىر عىپ ايتقان ەۋروپالىقتار ولارمەن بەتپە بەت كەزدەسۋدەن ولەردەي قورىققان ەكەن.
ال سول ەۋروپا قۇرلىعى وسمان وتامان سۇلتاندارىمەن ىلعي يتجىعىس ءتۇسىپ سوعىستى تا ءجۇردى، ەكى قولى جاعاسىندا كەتتى.
باياعىدا بابالارىمىز وردالىقتاردى وزدەرىنە وسمان سۇلتانى، ليتۆا مەن موسكوۆيا كنيازدەرى، پارسى شاھتارى دا سوناۋ الىستان اتتاي قالاپ وزدەرىنە اسكەري قىزمەتكە قىمباتقا الدىرىپ، وزدەرى سونى دارەجە كورگەن ەكەن.
ال بۇگىن سول انادولى تۇرىكتەرى، كەرەمەت تاريحي كينولار ءتۇسىرىپ ءجۇر، باسقا جۇرت تا سونى ءولىپ كورىپ جاتىر. ورىستىڭ ءوزى سۇلەيمەندى ءسۇيىپ كوردى.
"سۇلەيمەن" ، "ەرتۇعىرىل"...
كينو جاقسى شىقسا، ونى ءبارى كورەدى ەكەن.
وكىنىشكە وراي، بۇلار سونى تۇسىرە الماي وتىر، بۇل ءبىر. "كەلينكا سابينا"دەيدى، سولار ترەند بوپ وتىر.
ەكىنشىدەن، بۇلاردىڭ تاريحي اياسى سول ۇلى تاريحتى يەمدەنۋدەن قايمىعىپ ۇلىستىق سۇلتاندارمەن (كەرەي مەن جانىبەك) شەكتەلىپ قانا قالدى، ياعني يدەولوگيالىق اۋماعى تار.
ال بىلاي اڭىزعا بەرگىسىز بابالار تاريحىن جىرلايتىن حالىق ءبىز عوي..
ولجاس ءابىل
پىكىرلەر
رەداكتسيا تاڭداۋى