"ازاماتتاردان جانە مەملەكەتتىك قىزمەتكەرلەردەن كوپتەگەن حابار تۇسەدى. بۇل سەنىمنىڭ ارتىپ كەلە جاتقانىن كورسەتەدى. جىل باسىنان بەرى 1424 call ورتالىعىنا سىبايلاس جەمقورلىق قىلمىسىن جاسادى دەگەن كۇدىكپەن 264 قوڭىراۋ ءتۇستى. شاعىمداردىڭ باسىم بولىگى ىشكى ىستەر ورگاندارى، جەرگىلىكتى اتقارۋشى ورگاندار، ءبىلىم بەرۋ، دەنساۋلىق ساقتاۋ، جۇمىسپەن قامتۋ، الەۋمەتتىك قورعاۋ قىزمەتكەرلەرىنىڭ جۇمىسىنا قاتىستى", - دەيدى ول.
وسى ورايدا دانيار بيعايداروۆ جەمقورلىق فاكتىسى تۋرالى حابارلاعان 64 قازاقستاندىققا سىياقى بەرىلگەنىن جەتكىزدى.
"وسى جىلى ناقتىلانعان سىبايلاس جەمقورلىق دەرەگى بويىنشا 64 قازاقستاندىق سىياقى الدى. ولار سىبايلاس جەمقورلىق دەرەگى تۋرالى حابارلاعان. ونىڭ ىشىندە call ورتالىققا تۇسكەن قوڭىراۋلار دا بار. جالپى ولارعا 10 ميلليون تەڭگەدەن استام قاراجات بەرىلدى", - دەيدى تەرگەۋشى.
